ఓక్రా, ఫైజల్‌ కస్టడీకి అనుమతి

ఈనాడు- హైదరాబాద్‌: పంజాగుట్ట డ్రగ్స్‌ కేసులో నిందితుడు నైజీరియా వాసి ఆంటోనియో ఒబింటా అలియాస్‌ ఓక్రాను నాలుగు రోజుల కస్టడీకి అనుమతిస్తూ నాంపల్లి కోర్టు ఆదేశాలిచ్చింది. బుధవారం నుంచే కస్టడీ మొదలైంది. పోలీసులు నిందితుడిని పంజాగుట్ట ఠాణాకు తీసుకొచ్చి విచారిస్తున్నారు. ఇదే కేసులో మరో నిందితుడు, గోవాలోని కొల్వాలే జైలులో ఉన్న ఫైజల్‌ను గురువారం ఒక రోజు కస్టడీకి ఇచ్చేందుకు కోర్టు అనుమతించింది. ప్రస్తుతం నిందితుడు గోవా జైల్లోనే ఉన్నాడు. కస్టడీకి తీసుకునేందుకు కొన్ని గంటల సమయమే ఉండడంతో ప్రత్యేక పోలీసు బృందం గోవాకు బయల్దేరనున్నట్లు తెలిసింది.