రైలు నుంచి టీటీఈని తోసివేసిన టికెట్‌ లేని ప్రయాణికుడు

త్రిశూర్‌: కేరళలో టికెట్‌ లేకుండా ప్రయాణిస్తున్న ఓ వ్యక్తి.. టీటీఈని కదులుతున్న రైలు నుంచి తోసి, ప్రాణాలు తీశాడు. ఎర్నాకుళం నుంచి పట్నా వెళుతున్న ఎక్స్‌ప్రెస్‌లో ఈ ఘటన జరిగింది. టీటీఈ అవతలి పట్టాలపై పడ్డారని, అదే సమయంలో వచ్చిన మరో రైలు ఢీ కొనడంతో ఆయన మృతి చెందారని రైల్వే అధికారులు తెలిపారు. సమాచారం తెలుసుకున్న పోలీసులు పాలక్కాడ్‌ వద్ద నిందితుడిని పట్టుకున్నారు. టీటీఈ టికెట్‌ అడగడంతో అతడు ఈ ఘాతుకానికి పాల్పడ్డాడని అధికారులు తెలిపారు. మృతుడిని ఎర్నాకుళానికి చెందిన వినోద్‌గా గుర్తించారు. అతడు కొన్ని సినిమాల్లో చిన్న పాత్రలు కూడా పోషించారని తెలిపారు.