టైలర్‌ దుకాణంలో ఘోర అగ్నిప్రమాదం

ఊపిరాడక మహారాష్ట్రలో ఏడుగురి మృతి

ముంబయి: మహారాష్ట్రలోని ఛత్రపతి శంభాజీనగర్‌లో ఓ దర్జీ (టైలర్‌) దుకాణంలో బుధవారం ఘోర అగ్నిప్రమాదం సంభవించింది. ఈ ప్రమాదంలో ఊపిరాడక ఒకే కుటుంబానికి చెందిన ఏడుగురు మృతి చెందారని పోలీసులు తెలిపారు. తెల్లవారుజామున నాలుగు గంటలకు దుకాణంలో ఒక్కసారిగా మంటలు చెలరేగడంతో భారీగా పొగ వ్యాపించింది. ఆ భవనం పై అంతస్తులో ఉంటున్న ఒకే కుటుంబానికి చెందిన ఏడుగురు ముస్లింలు ఊపిరాడక మరణించారు. మృతుల్లో ముగ్గురు మహిళలు, ఇద్దరు పురుషులు, ఇద్దరు పిల్లలున్నట్లు గుర్తించారు. విద్యుత్‌ వాహనానికి పెట్టిన ఛార్జింగ్‌ వల్ల ఈ ప్రమాదం జరిగి ఉంటుందని ప్రత్యక్ష సాక్షి ఒకరు తెలిపారు.