అనిశాకు చిక్కిన భైంసా మున్సిపల్‌ కమిషనర్, బిల్‌ కలెక్టర్‌
నిర్మల్‌ జిల్లా భైంసా మున్సిపల్‌ కమిషనర్ ఎం.వెంకటేశ్వర్లు, బిల్‌ కలెక్టర్‌ విద్యాసాగర్‌లు లంచం తీసుకుంటూ బుధవారం అనిశాకు పట్టుబడ్డారు.
పట్టుబడిన బిల్‌ కలెక్టర్‌ విద్యాసాగర్, మున్సిపల్‌ కమిషనర్ ఎం.వెంకటేశ్వర్లు
భైంసా, న్యూస్‌టుడే: నిర్మల్‌ జిల్లా భైంసా మున్సిపల్‌ కమిషనర్ ఎం.వెంకటేశ్వర్లు, బిల్‌ కలెక్టర్‌ విద్యాసాగర్‌లు లంచం తీసుకుంటూ బుధవారం అనిశాకు పట్టుబడ్డారు. ఏసీబీ డీఎస్పీ వి.వి.రమణమూర్తి ఈ వివరాలు తెలిపారు. భైంసాలోని పురాణబజార్‌కు చెందిన రాధేశ్యాం.. 2022లో పురపాలక సంఘం అనుమతులతో వాణిజ్య భవనం నిర్మించుకున్నారు. కాగా ఆ భవన నిర్మాణం అక్రమమంటూ ఈ నెల 16న పురపాలక కమిషనర్ తాఖీదు జారీ చేశారు. నిర్మాణాన్ని క్రమబద్ధీకరించాలంటే రూ.30 వేలు ఇవ్వాలని బిల్‌ కలెక్టర్‌ విద్యాసాగర్ ద్వారా డిమాండ్‌ చేశారు. లేకుంటే భవనాన్ని కూల్చివేస్తామని బెదిరించారు. దీంతో రాధేశ్యాం ఏసీబీ అధికారులను ఆశ్రయించారు. బాధితుడి నుంచి రూ.30 వేల నగదు తీసుకుంటుండగా.. ఏసీబీ అధికారులు వల వేసి కమిషనర్, బిల్‌ కలెక్టర్‌లను పట్టుకున్నారు. కమిషనర్ వెంకటేశ్వర్లు 2019లోనూ నర్సంపేటలో ఏసీబీకి చిక్కారు.
ఇద్దరు మున్సిపల్‌ కమిషనర్ల సస్పెన్షన్‌
ఈనాడు, హైదరాబాద్‌: పొరుగు సేవల ఉద్యోగుల నియామకాల్లో అక్రమాలకు పాల్పడిన ఇద్దరు మున్సిపల్‌ కమిషనర్లను పురపాలకశాఖ సస్పెండ్‌ చేసింది. ప్రసుతం బాన్సువాడ, తుర్కయాంజిల్‌లో కమిషనర్లుగా పనిచేస్తున్న ఐఎంఏ అలీం, సత్యనారాయణరెడ్డిలను సస్పెండ్‌ చేస్తూ పురపాలకశాఖ డైరెక్టర్‌ డి.దివ్య బుధవారం ఉత్తర్వులిచ్చారు. అలీం గతంలో భైంసాలో, సత్యనారాయణరెడ్డి నిర్మల్‌లో పనిచేసిన సమయంలో పొరుగు సేవల ఉద్యోగుల నియామకాల్లో అక్రమాలకు పాల్పడినట్లు ఆరోపణలొచ్చాయి. విచారణ చేపట్టిన ఉన్నతాధికారులు సస్పెండ్‌ చేశారు.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరేళ్ల చిన్నారిపై హత్యాచారం
అభం శుభం ఎరుగని ఆ చిన్నారికి ఏం తెలుసు.. కొన్ని గంటల్లో ఓ కామాంధుడు వస్తాడని? అతడి దురాగతానికి దారుణంగా బలైపోతానని.. ఎప్పటిలాగే అమ్మ పక్కన ఆదమరిచి నిద్రించింది ఆ బుజ్జాయి. అర్ధరాత్రివేళ.. మానవరూపంలో ఉన్న ఓ పశువు ఆమెను ఎత్తుకెళ్లి హత్యాచారానికి ఒడిగట్టాడు. -
కృష్ణా జిల్లాలో ఘోర రోడ్డు ప్రమాదం
కృష్ణా జిల్లా పెడన నియోజకవర్గ పరిధిలోని కృత్తివెన్ను సమీపంలో శుక్రవారం వేకువజామున ఘోర రోడ్డు ప్రమాదం చోటుచేసుకుంది. ఈ దుర్ఘటనలో ఆరుగురు మృతి చెందగా.. మరో ఐదుగురికి తీవ్ర గాయాలయ్యాయి. -
అంతా చూస్తుండగానే అంతమొందించారు
భూతగాదాలు యువకుడిని బలిదీసుకున్నాయి. అందరూ చూస్తుండగానే దాయాదులు కర్రలతో మూకుమ్మడిగా దాడిచేసి, అతని ప్రాణం తీశారు. నారాయణపేట జిల్లా ఊట్కూరు మండలం చిన్నపొర్లలో చోటుచేసుకున్న ఈ ఘటన వీడియోలు శుక్రవారం సామాజిక మాధ్యమాల్లో వైరల్ అయ్యాయి. -
అటవీ అధికారులపై మూకుమ్మడి దాడి
అటవీ ప్లాంటేషన్ భూముల్లో సాగుకు సిద్ధపడుతున్నారన్న సమాచారం మేరకు అడ్డుకునేందుకు సిబ్బందితో వెళ్లిన ఎఫ్ఆర్వోపై స్థానికులు కర్రలు, రాళ్లతో దాడికి పాల్పడ్డారు. ఈ ఘటన నిజామాబాద్ జిల్లా మోపాల్ మండలం కాల్పోల్ అటవీ ప్రాంతంలో శుక్రవారం చోటు చేసుకుంది. -
మధ్యప్రదేశ్లో ట్రాక్టర్ బోల్తా.. ఐదుగురు భక్తుల మృతి
మధ్యప్రదేశ్లోని దతియా జిల్లాలో భక్తులను తీసుకెళ్తోన్న ఓ ట్రాక్టర్ ట్రాలీ బోల్తా పడడంతో ఐదుగురు మృతి చెందారు. మరో 20మంది గాయపడ్డారు. మైథనా పాలి గ్రామంలో శుక్రవారం తెల్లవారు జామున ఈ ప్రమాదం జరిగిందని పోలీసులు తెలిపారు. -
రోడ్డు ప్రమాదంలో ఐదుగురు కూలీల దుర్మరణం
ఝార్ఖండ్లోని గడ్వా జిల్లాలో ఆటో-లారీ ఢీకొన్న ఘటనలో ఐదుగురు కూలీలు మృతిచెందారు. మరో ఆరుగురు తీవ్రంగా గాయపడ్డారు. నగర్ ఉంటారీ పోలీస్ స్టేషన్ పరిధిలోని జాతీయ రహదారిపై ఈ ప్రమాదం జరిగిందని, క్షతగాత్రులను ఆస్పత్రికి తరలించామని పోలీసులు తెలిపారు. -
రైల్లో మంటలంటూ వదంతులు.. భయంతో దూకేసిన ముగ్గురి మృతి
తాము ప్రయాణిస్తున్న రైలులో మంటలు చెలరేగాయంటూ వచ్చిన వదంతులు నమ్మి దాన్నుంచి దూకేసిన ప్రయాణికులు ముగ్గురు దుర్మరణం పాలైన ఘటన శుక్రవారం ఝార్ఖండ్లో చోటు చేసుకుంది. -
అదుపు తప్పి లారీ బోల్తా.. ఇద్దరు ఉద్యోగుల మృతి
లారీ అదుపు తప్పి బోల్తాపడడంతో విధులకు వెళ్తున్న ఓ పోలీసు కానిస్టేబుల్, ఒప్పంద ఉపాధ్యాయుడు అక్కడికక్కడే మృతిచెందిన విషాదకర ఘటన మహబూబాబాద్ జిల్లా గూడూరు మండల కేంద్రంలో 365 జాతీయ రహదారిపై శుక్రవారం ఉదయం జరిగింది.
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
