కారును నడిపింది బాలుడే.. పుణె ప్రమాద ఘటనపై పోలీసుల వెల్లడి

పుణె: మద్యం మత్తులో కారు నడిపి, ఇద్దరు టెకీల మృతికి కారణమైన బాలుడి(17) కేసుపై పోలీసులు స్పందించారు. ప్రమాదం జరిగిన సమయంలో కారును తన కుమారుడు నడపలేదని, డ్రైవింగ్‌ సీట్‌లో ఫ్యామిలీ డ్రైవర్‌ ఉన్నాడని బాలుడి తండ్రి విశాల్‌ అగర్వాల్‌ చెప్పడాన్ని వారు ఖండించారు. కారు ప్రమాదం జరిగిన సమయంలో బాలుడు పూర్తి అవగాహనతో ఉన్నాడని, డ్రైవింగ్‌ సీట్లో అతడే ఉన్నాడనేందుకు కచ్చితమైన ఆధారాలను సేకరించామని పుణె పోలీస్‌ కమిషనర్‌ చెప్పారు. ఇంటి నుంచి కారును నిందితుడే బయటకు తీసుకెళ్లినట్లు సీసీ కెమెరాల్లో రికార్డయిందనీ, ఆ ఫుటేజీని తీసుకొని ఫోరెన్సిక్‌ ల్యాబ్‌కు పంపినట్లు తెలిపారు. ఇద్దరు పోలీసు అధికారులను సస్పెండ్‌ చేశారు.