హరియాణాలో ఘోర రోడ్డు ప్రమాదం

ఆరు నెలల చిన్నారి సహా ఏడుగురి మృతి
20 మందికి గాయాలు

అంబాలా: హరియాణాలో శుక్రవారం తెల్లవారుజామున ఘోర రోడ్డు ప్రమాదం సంభవించింది. అంబాలా-దిల్లీ జాతీయ రహదారిపై మినీ బస్సు ట్రక్కును ఢీకొట్టింది. ఈ ప్రమాదంలో ఆరు నెలల చిన్నారి సహా ఏడుగురు మరణించారు. 20మంది గాయపడ్డారు. 30 మంది బంధువులతో కూడిన మినీ బస్సు గురువారం సాయంత్రం ఉత్తర్‌ప్రదేశ్‌ నుంచి జమ్ము-కశ్మీర్‌లోని వైష్ణోదేవి మందిరానికి బయలుదేరింది. హరియాణాలోని మోహ్రా గ్రామం సమీపంలో బస్సు ట్రక్కును బలంగా ఢీ కొట్టిందని పోలీసులు తెలిపారు. గాయపడిన వారిని ఆసుపత్రికి తరలించామన్నారు.