గొర్రెల పథకం నిందితులను విచారిస్తున్న అనిశా

ఈనాడు, హైదరాబాద్‌-చంచల్‌గూడ, న్యూస్‌టుడే: గొర్రెల పంపిణీ పథకం కుంభకోణం వ్యవహారంలో అవినీతి నిరోధక శాఖ(అనిశా) దర్యాప్తు వేగం పెంచింది. ఈ కేసులో అరెస్టయి జైల్లో ఉన్న పశు సంవర్ధక శాఖ మాజీ సీఈవో రాంచంద్రనాయక్, మాజీ ఓఎస్డీ కల్యాణ్‌కుమార్‌లను కస్టడీ విచారణకు అనిశా న్యాయస్థానం అనుమతించిన విషయం తెలిసిందే. ఈ మేరకు అనిశా అధికారులు వారిని సోమవారం చంచల్‌గూడ జైలు నుంచి బంజారాహిల్స్‌లోని తమ ప్రధాన కార్యాలయానికి తరలించారు. వీరిద్దరిని మూడు రోజులపాటు విచారించనున్నారు. ఈ కేసులో అనిశా ఇప్పటి వరకూ 10 మందికిపైగా నిందితులను అరెస్టు చేసింది.