పొరుగింటి వ్యక్తితో వివాదం.. నిద్రిస్తున్నవారిపై కాల్పులు

ముగ్గురు సోదరుల మృతి

రాజస్థాన్‌లోని భరత్‌పుర్‌లో దారుణం జరిగింది. ఇద్దరు వ్యక్తుల మధ్య జరిగిన గొడవ ఒకే కుటుంబంలోని ముగ్గురు సోదరుల ప్రాణాలను బలితీసుకుంది. పోలీసుల వివరాల ప్రకారం.. సిక్రోరాకు చెందిన సమందర్‌.. పొరుగింటి వ్యక్తి లఖన్‌తో నవంబరు 24న గొడవ పడ్డాడు. ఈ క్రమంలో సమందర్‌ కుటుంబంపై లఖన్‌ కోపం పెంచుకున్నాడు. తన అనుచరులతో కలిసి సమందర్‌ కుటుంబంపై కాల్పులకు పాల్పడ్డాడు. ఈ దాడిలో సమందర్‌ సహా అతడి ఇద్దరు సోదరులు మరణించారు. మరో ముగ్గురు కుటుంబ సభ్యులు తీవ్రంగా గాయపడ్డారు. బాధిత కుటుంబం నిద్రిస్తున్న సమయంలో నిందితుడు ఈ కాల్పులు జరిపాడని పోలీసులు తెలిపారు.