Kakinada: భార్యను అతికిరాతకంగా నరికి చంపిన భర్త

కాకినాడ: కుటుంబ కలహాలతో కట్టుకున్న భార్యను భర్త అతికిరాతకంగా నరికి చంపాడు. ఈ ఘటన కాకినాడలోని జగన్నాథపురం పప్పుల మిల్లు ప్రాంతంలో చోటు చేసుకుంది. పోలీసులు తెలిపిన వివరాల ప్రకారం.. బందుల నూకరాజుకు 2016లో దివ్యతో వివాహం జరిగింది. వీరికి ఇద్దరు సంతానం. గురువారం బయటికి వెళ్లివచ్చిన నూకరాజు.. భార్య దివ్యతో గొడవపడ్డాడు. ఈ క్రమంలో ఇంట్లో ఉన్న కత్తి తీసుకొని విచక్షణా రహితంగా నరికాడు. అడ్డువచ్చిన మరో మహిళకు గాయాలయ్యాయి. ఈ ఘటనలో దివ్య అక్కడికక్కడే మృతి చెందింది. దాడి తర్వాత నిందితుడు నూకరాజు స్థానిక పోలీస్‌ స్టేషన్‌లో లొంగిపోయాడు. పోలీసులు కేసు నమోదు చేసుకొని దర్యాప్తు చేపట్టారు.