UP Murder: ప్రియురాలిని చంపి.. మృతదేహాన్ని నీళ్ల ట్యాంకులో దాచి..!

ప్రయాగ్‌రాజ్‌: ఉత్తరప్రదేశ్‌ (Uttar Pradesh)లో దారుణం చోటుచేసుకుంది. ప్రేమించిన అమ్మాయిని చంపేసిన (Murder) ఓ వ్యక్తి ఆమె మృతదేహాన్ని నీళ్ల ట్యాంకులో దాచాడు. ప్రయాగ్‌రాజ్‌ (Prayagraj)లో రెండు వారాల క్రితం జరిగిన ఈ ఘటన ఆలస్యంగా వెలుగులోకి వచ్చింది. (Man kills lover)

మహేవా ప్రాంతానికి చెందిన రాజ్‌ కేసర్‌ (35) మే 30న అదృశ్యమైంది. దీంతో ఆమె కుటుంబం పోలీసులకు ఫిర్యాదు చేసింది. కేసు నమోదు చేసిన పోలీసులు దర్యాప్తు చేపట్టారు.  ఆమె ఫోన్‌కాల్ వివరాల ఆధారంగా ప్రియుడు అరవింద్‌ని అదుపులోకి తీసుకుని ప్రశ్నించగా.. ఈ హత్య విషయం వెలుగులోకి వచ్చింది. కేసర్‌ను 15 రోజుల కిందటే హత్య చేసిన అరవింద్‌.. ఆమె మృతదేహాన్ని తమ నిర్మాణంలో ఉన్న ఇంటి వద్ద నీళ్ల ట్యాంక్‌లో దాచిపెట్టినట్లు పోలీసుల విచారణలో అంగీకరించాడు. దీంతో పోలీసులు అక్కడకు వెళ్లి మృతదేహాన్ని ట్యాంక్‌ నుంచి బయటకు తీశారు. అనంతరం శవపరిక్షకు తరలించినట్లు పోలీసులు తెలిపారు. అరవింద్‌ను అదుపులోకి తీసుకుని దర్యాప్తు చేపట్టారు. అయితే, ఈ హత్య ఎందుకు చేశాడన్నది ఇంకా తెలియరాలేదు.