Crime News: ఫోన్‌లో గట్టిగా మాట్లాడొద్దన్నందుకు కుమారుడిని చంపిన తండ్రి

నాగ్‌పుర్‌: ఫోన్‌లో గట్టిగా అరుస్తూ మాట్లాడొద్దని చెప్పినందుకు ఓ తండ్రి తన కుమారుడిని హత్య చేసిన ఘటన మహారాష్ట్రలోని నాగ్‌పుర్‌లో  చోటుచేసుకుంది. పోలీసులు తెలిపిన వివరాల ప్రకారం.. పిప్రా గ్రామంలో కక్డే అనే వ్యక్తి బిగ్గరగా ఫోన్‌లో మాట్లాడుతుండగా.. అతడి కుమారుడు సూరజ్‌(28) నెమ్మదిగా మాట్లాడాలని సూచించాడు. ఈ విషయమై వారి మధ్య తీవ్ర వాగ్వాదం చోటుచేసుకుంది. క్షణికావేశంలో తండ్రి కుమారుడిపై  రాడ్డుతో దాడి చేశాడు. తీవ్రంగా గాయపడిన అతడిని స్థానికులు ఆస్పత్రిలో చేర్పించగా చికిత్స పొందుతూ మంగళవారం మరణించాడు. ఈ ఘటన జరిగినప్పుడు తండ్రీకొడుకులు మద్యం మత్తులో ఉన్నట్లు పోలీసులు తెలిపారు. నిందితుడిని అరెస్టు చేసినట్లు చెప్పారు.