Crime News: ఆస్తి కోసం తల్లి, ఇద్దరు కుమార్తెల హత్య

తల్లాడ: ఖమ్మం జిల్లాలోని తల్లాడ మండలం గోపాలపేటలో దారుణం చోటు చేసుకుంది. గ్రామానికి చెందిన పిట్టల వెంకటేశ్వర్లు తన తల్లితో పాటు ఇద్దరు కుమార్తెలను హత్య చేశాడు. ఆస్తి తగాదాలతో తల్లి పిచ్చమ్మ(60)ను గొంతు నులిమి చంపాడు. ఇద్దరు కుమార్తెలు నీరజ(10), ఝాన్సీ(6)లను చంపి పరారయ్యాడు. పొలం తన పేరుపై రాయాలని తల్లిని వెంకటేశ్వర్లు కొన్నేళ్లుగా వేధిస్తున్నట్లు సమాచారం. పోలీసులు ఘటనాస్థలికి చేరుకుని దర్యాప్తు చేపట్టారు. వెంకటేశ్వర్లు ఓ మహిళతో వివాహేతర సంబంధం కొనసాగిస్తూ రెండేళ్ల  క్రితం భార్యను హత్య చేసినట్లు స్థానికులు చెబుతున్నారు.