Crime News: తాళాలు వేసిన ఇళ్లే లక్ష్యం.. అంతర్‌ జిల్లాల గజదొంగ అరెస్ట్‌

ఉండ్రాజవరం: తాళాలు వేసిన ఇళ్లే లక్ష్యంగా దొంగతనాలకు పాల్పడిన అంతర్ జిల్లాల గజదొంగను తూ.గో జిల్లాలోని కొవ్వూరు, ఉండ్రాజవరం పోలీసులు అరెస్టు చేశారు. నిందితుడి వద్ద నుంచి రూ.23.80 లక్షల విలువైన బంగారు, వెండి ఆభరణాలు, నగదును స్వాధీనం చేసుకున్నారు. గజదొంగ నవీన్ ప్రసాద్ మొత్తం 18 కేసుల్లో నిందితుడిగా ఉన్నట్లు పోలీసులు తేల్చారు. ఈ కేసు వివరాలను మీడియాకు ఎస్పీ జగదీష్ వెల్లడించారు. తాళాలు వేసిన ఇళ్లే లక్ష్యంగా తూర్పు గోదావరి, డాక్టర్ బీఆర్ అంబేడ్కర్‌, పశ్చిమ గోదావరి జిల్లాల్లోని పలు ఇళ్లల్లో నవీన్‌ ప్రసాద్‌ దొంగతనాలకు పాల్పడినట్లు తెలిపారు.