Road Accident: నంద్యాల జిల్లాలో ఘోర రోడ్డు ప్రమాదం.. ముగ్గురు యువకులు మృతి

డోన్ నేర విభాగం: నంద్యాల జిల్లా డోన్ జాతీయ రహదారిలోని ఉంగరానిగుండ్ల వద్ద శుక్రవారం రాత్రి ఘోర రోడ్డు ప్రమాదం చోటుచేసుకుంది. జోరు వర్షంలో ద్విచక్ర వాహనంపై వెళుతున్న ముగ్గురు యువకులని గుర్తు తెలియని వాహనం ఢీకొట్టి ఆపకుండా వెళ్లిపోయింది. ఈ ఘటనలో ముని, ప్రభాకర్, దశరథ అనే యువకులు అక్కడికక్కడే మృతి చెందారు. సమాచారం అందుకున్న పోలీసులు ఘటనాస్థలికి చేరుకొని సహాయక చర్యలు చేపట్టారు. మృతదేహాలను డోన్ ప్రభుత్వ ఆసుపత్రికి తరలించారు. ముని, ప్రభాకర్‌లు తుగ్గలి మండలం లింగనేని దొడ్డి గ్రామానికి చెందిన వారుగా, దశరథ డోన్ మండలం చనుగొండ్ల వాసిగా పోలీసులు గుర్తించారు. మృతులు పెయింటింగ్‌ పని నిమిత్తం డోన్‌కు వచ్చి తిరిగి గ్రామానికి వెళుతుండగా ఈ ప్రమాదం జరిగింది. కేసు నమోదు చేసుకున్న పోలీసులు దర్యాప్తు చేపట్టారు.