TS News: గొర్రెల స్కామ్‌.. మరికొందరి పాత్రపై అనుమానం!

హైదరాబాద్‌: గొర్రెల పంపిణీ స్కామ్‌లో నిందితుల మూడు రోజుల కస్టడీ ముగిసింది. నలుగురు నిందితులను ఏసీబీ కోర్టులో హాజరు పరిచి.. అనంతరం చంచల్‌గూడ జైలుకు తరలించారు. విచారణలో వీరి నుంచి కీలక సమాచారాన్ని అధికారులు రాబట్టారు. రైతులకు ఇవ్వాల్సిన రూ.2.10 కోట్లు 10 మంది బ్యాంకు ఖాతాల్లోకి మళ్లించారని గుర్తించారు. ఈ కేసులో మరికొందరి పాత్ర కూడా ఉందని అధికారులు అనుమానిస్తున్నారు. హైదరాబాద్, నల్లగొండ, ఖమ్మం జిల్లాకు చెందిన పశుసంవర్ధక శాఖలో కొందరు అధికారులను బంజారాహిల్స్‌లోని ఏసీబీ ప్రధాన కార్యాలయానికి రావాలని సమాచారం ఇచ్చినట్లు తెలుస్తోంది.