gang-rape: విదేశీటూరిస్ట్‌పై సామూహిక అత్యాచారం

దిల్లీ: తన భర్తతో కలిసి భారతదేశ యాత్రకు వచ్చిన ఓ విదేశీయురాలికి ఝార్ఖండ్‌లో చేదు అనుభవం ఎదురైంది.  దుమ్కా జిల్లాలో భర్తతో కలిసి బైక్‌ టూర్‌కు వచ్చిన స్పెయిన్‌కు చెందిన టూరిస్ట్‌పై సామూహిక అత్యాచారం జరిగింది. పోలీసులు వివరాలను వెల్లడించారు.దంపతులు ద్విచక్ర వాహనంపై బంగ్లాదేశ్ నుంచి దుమ్కాకు చేరుకుని బీహార్ మీదుగా నేపాల్‌కు వెళ్తున్నట్లు సమాచారం. 

చీకటి పడడంతో నిర్జన ప్రదేశంలో రాత్రి బస కోసం డేరా ఏర్పాటు చేసుకున్నారు. వీరిని గమనించిన కొందరు వ్యక్తులు వారిపై దాడి చేసి గాయపరిచారు. అనంతరం మహిళపై సామూహిక అత్యాచారానికి పాల్పడ్డారు. ఈ కేసులో ముగ్గురిని అరెస్టు చేసినట్లు పోలీసులు తెలిపారు. బాధితురాలికి ప్రస్తుతం దుమ్కాలోని ఆసుపత్రిలో వైద్య పరీక్షలు నిర్వహిస్తున్నారని, తదుపరి విచారణ కొనసాగుతోందని తెలిపారు.