TSPSC: టీఎస్‌పీఎస్సీ పేపర్‌ లీకేజీ కేసు.. మరో ముగ్గురి అరెస్టు

హైదరాబాద్: తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) పేపర్‌ లీకేజీ కేసులో సిట్‌ దర్యాప్తు కొనసాగుతోంది. దర్యాప్తులో భాగంగా మరో ముగ్గురు నిందితులను అధికారులు అరెస్టు చేశారు. ఈ కేసులో ప్రధాన నిందితుడు ప్రవీణ్ బంధువులు ముగ్గురిని సిట్‌ అధికారులు అరెస్టు చేశారు. దీంతో ఈ కేసులో ఇప్పటివరకు అరెస్టు అయిన వారి సంఖ్య 99కి చేరింది. ప్రశ్నపత్రాల లీకేజీలో ఈ ముగ్గురు నిందితులు ప్రవీణ్‌కు సహకరించినట్లు పోలీసుల దర్యాప్తులో తేలింది. మరోవైపు ఈ కేసులో ఏ2గా ఉన్న రాజశేఖర్ రెడ్డి బెయిల్ పిటిషన్‌ను నాంపల్లి కోర్టు మూడోసారి తిరస్కరించింది.