Accident: ఉత్తర్‌ప్రదేశ్‌లో ఘోర ప్రమాదం..12 మంది మృతి

లఖ్‌నవూ: ఉత్తరప్రదేశ్‌లోని షాజహాన్‌పూర్‌లో ఘోర ప్రమాదం జరిగింది. నీళ్లు తీసుకురావడానికి 30 మందితో వంతెనపై వెళ్తున్న ట్రాక్టర్‌ అదుపు తప్పి నదిలో పడిపోయింది. ఈ ప్రమాదంలో 12 మంది మృతి చెందారు. పలువురు తీవ్రంగా గాయపడ్డారు. మృతుల్లో మహిళలు, చిన్నారులు కూడా ఉన్నట్లు సమాచారం. బాధితులంతా అజ్మత్‌పూర్‌ ప్రాంతానికి చెందిన వారిగా పోలీసులు గుర్తించారు. ఘటనా స్థలిలో సహాయక చర్యలు కొనసాగుతున్నాయి. మృతుల సంఖ్య ఇంకా పెరిగే అవకాశం ఉందని  షాజహాన్‌పూర్‌ ఎస్పీ ఆందోళన వ్యక్తం చేశారు. క్షతగాత్రులను చికిత్స నిమిత్తం దగ్గర్లోని ప్రభుత్వ మెడికల్‌ కళాశాలకు తరలించారు. ప్రమాద ఘటనపై సీఎం యోగి ఆదిత్యనాథ్‌ తీవ్ర దిగ్భ్రాంతి వ్యక్తం చేశారు. ప్రమాదంలో ప్రాణాలు కోల్పోయిన వారి కుటుంబాలకు రూ. 2 లక్షలు, గాయాలపాలైన వారికి రూ.50,000 చొప్పున పరిహారం ప్రకటించారు.