Train Accident: ఝార్ఖండ్‌లో రైలు ప్రమాదం.. పలువురి దుర్మరణం!

రాంచీ: ఝార్ఖండ్‌లో రైలు ప్రమాదం (Jharkhand Train Accident) చోటుచేసుకుంది.  రైల్వే ట్రాక్‌ దాటుతున్న వ్యక్తులను ఓ రైలు  (12254) ఢీకొట్టింది. ఈ దుర్ఘటనలో ఇప్పటివరకు ఇద్దరి మృతదేహాలను గుర్తించినట్లు అధికారులు వెల్లడించారు. ప్రస్తుతం ఘటనా స్థలంలో సహాయక చర్యలు కొనసాగుతున్నాయని.. మృతుల సంఖ్య పెరిగే అవకాశం ఉన్నట్లు జంతారా సబ్‌ డివిజనల్‌ పోలీస్ అధికారి తెలిపారు. జార్ఖండ్ రాజధాని రాంచీకి 140 కిలోమీటర్ల దూరంలో కల్జారియా సమీపంలో ఈ ప్రమాదం జరిగిందని తెలిపారు. అప్రమత్తమైన సిబ్బంది ఘటనాస్థలానికి వైద్య బృందాలను, అంబులెన్స్‌లను తరలించారు. ప్రస్తుతం సహాయక చర్యలు కొనసాగుతున్నాయి.