మెట్రో వేళల పొడిగింపు

చివరి రైలు ప్రతి శుక్రవారం రాత్రి 11.45కు
ప్రతి సోమవారం ఉదయం 5.30కే

నార్సింగి:  మెట్రోరైలు వేళల్ని ఎల్‌ అండ్‌ టీ హైదరాబాద్‌ మెట్రోరైలు సంస్థ ప్రతి సోమ, శుక్రవారాలు   పొడిగించింది. ఇప్పటి వరకు రాత్రిపూట చివరి మెట్రోరైలు 11 గంటల వరకే ఉండేది. దీన్ని ప్రతి శుక్రవారం 45 నిమిషాలు పొడిగించారు. చివరి మెట్రోరైలు టెర్మినల్‌ స్టేషన్లు ఎల్బీనగర్‌, మియాపూర్‌, నాగోల్‌, రాయదుర్గం, జేబీఎస్‌, ఎంజీబీఎస్‌ నుంచి ప్రతి శుక్రవారం 11.45కు బయలుదేరుతాయి. ఇవి గమ్యస్థానాలకు రాత్రి 12.45 గంటలకు చేరుతాయి. మిగతా రోజుల్లో ఉదయం 6 గంటలకు మెట్రోరైళ్లు బయలుదేరితే ఇకనుంచి ప్రతి సోమవారం ఉదయం 5.30 గంటల నుంచే ప్రారంభమవుతాయి.