kavali: పిల్లల సంరక్షణ అందరి బాధ్యత

కావలి: పిల్లల సంరక్షణ మనందరి బాధ్యత అని కావలి న్యాయస్థానాల లోక్ అదాలత్ సభ్యుడు ఎం. మాలకొండ రెడ్డి పేర్కొన్నారు. శనివారం కావలి మండలం ఆముదాలదిన్నె గిరిజన కాలనీలో అంతర్జాతీయ తప్పిపోయిన పిల్లల దినోత్సవం నిర్వహించారు. న్యాయ సేవాధికారిక సంస్థ ఆధ్వర్యంలో నిర్వహించారు. ఎం మాలకొండ రెడ్డి మాట్లాడుతూ.. చిన్నారులను అక్రమ రవాణా చేసిన వారిని కఠినంగా శిక్షించాలన్నారు. సంబంధించిన చట్టాల పట్ల ప్రతి ఒక్కరు అవగాహన పెంచుకోవాలన్నారు. సీనియర్ న్యాయవాది లీగల్ అడ్వకేట్ ఐ. సాయిప్రసాద్, యానాది సంఘాల మహాకూటమి ఉపాధ్యక్షుడు జయంపు కనకయ్య, స్థానిక సచివాలయం పంచాయతీ సెక్రెటరీ పి. నరేంద్ర, కాలనీవాసులు పాల్గొన్నారు.