ఐటీ.. తెదేపా కూటమికి బలిమి

దర్శిలో గొట్టిపాటి లక్ష్మికి మద్దతుగా ప్రచారంలో పాల్గొన్న బెంగళూరు ఐటీ ఫోరం సభ్యులు, యువత

బెంగళూరుకు చెందిన తెదేపా ఐటీ ఫోరం సభ్యులు ఎన్డీఏ దర్శి ఎమ్మెల్యే అభ్యర్థి గొట్టిపాటి లక్ష్మికి మద్దతు తెలిపారు. లక్ష్మితో పాటు ఆమె భర్త లలిత్‌సాగర్‌తో శుక్రవారం పట్టణంలో చేపట్టిన ప్రచారంలో పాల్గొన్నారు. నియోజకవర్గంలోని పలు గ్రామాలకు చెందిన సాఫ్ట్‌వేర్‌ ఉద్యోగులు ప్రస్తుతం బెంగళూరులో విధులు నిర్వర్తిస్తున్నారు. వీరంతా ఓ ఫోరంగా ఏర్పడ్డారు. రాష్ట్రాభివృద్ధి కోసం తెదేపాకు మద్దతు తెలుపుతున్నట్లు తెలిపారు. పోలవరం ప్రాజెక్ట్‌ పూర్తి, రాజధాని అమరావతి నిర్మాణం, కల్తీ మద్యం నిషేధం, యువతకు ఉద్యోగావకాశాలు వంటివి నెరవేరాలంటే తెదేపా అధినేత నారా చంద్రబాబు నాయుడే సీఎం అవ్వాలని వారు ఆకాంక్షించారు.

న్యూస్‌టుడే, దర్శి