కృతుంగ, విక్టోరియా రెస్టరంట్లలో జీహెచ్‌ఎంసీ సిబ్బంది తనిఖీలు

ముసాపేట: అపరిశుభ్ర వాతావరణంలో కొనసాగుతున్న రెండు రెస్టరంట్లలో జీహెచ్‌ఎంసీ అధికారులు తనిఖీలు నిర్వహించారు. భరత్‌నగర్‌లోని శ్రీరాములు థియేటర్‌ పక్కన విక్టోరియా, కృతుంగ రెస్టరంట్లు ఉన్నాయి. జీహెచ్‌ఎంసీ సర్కిల్‌ ఫుడ్‌ ఇన్‌స్పెక్టర్‌ పవన్ ఆధ్వర్యంలో సిబ్బంది రెండు హోటళ్లలో కిచెన్‌ గదులను పరిశీలించారు. వంటశాలలో బొద్దింకలు, ఎలుకలు కనిపించడంపై ఆగ్రహం వ్యక్తంచేశారు. రోజుల తరబడి నిల్వ ఉంచే ఆహార పదార్థాలను స్వాధీనం చేసుకున్నారు. నిబంధనలకు విరుద్ధంగా కొనసాగుతున్న  హోటళ్ల నిర్వాహకులకు నోటీసులు జారీ చేస్తామని ఇన్‌స్పెక్టర్‌ పవన్‌ తెలిపారు.