‘రాష్ట్రంలో అందరి చూపు తెదేపా వైపే’

ప్రసంగిస్తున్న అరవింద్‌కుమార్‌గౌడ్‌, చిత్రంలో కాసాని జ్ఞానేశ్వర్‌ ముదిరాజ్‌, అలీ మస్కతి

అబిడ్స్‌, న్యూస్‌టుడే: ఉమ్మడి ఏపీలో చంద్రబాబునాయుడు నాటిన ఐటీ విత్తనం నేటి తెలంగాణలో మహావృక్షంగా ఎదిగిందని, వాటి ఫలాలు ప్రస్తుతం యువతకు దక్కుతుండడంతో మళ్లీ తెదేపా అధికారంలోకి రావాలని ప్రతి ఒక్కరూ కోరుకుంటున్నారని ఆ పార్టీ తెలంగాణ రాష్ట్ర అధ్యక్షుడు కాసాని జ్ఞానేశ్వర్‌ ముదిరాజ్‌ అన్నారు. పార్టీ పొలిట్‌బ్యూరో సభ్యుడు ఎం.అరవింద్‌కుమార్‌గౌడ్‌, మాజీ ఎంపీ రావుల చంద్రశేఖర్‌రెడ్డి, కాట్రగడ్డ ప్రసూన, షఖీలారెడ్డి, అలీ మస్కతి, అట్లూరి సుబ్బారావు, డా.ఏఎస్‌రావు తదితరులతో కలిసి ఎగ్జిబిషన్‌ మైదానంలో ఏర్పాట్లను ఆదివారం సాయంత్రం పరిశీలించి మాట్లాడారు. తెదేపా 41వ ఆవిర్భావ, ప్రతినిధుల సభను ఈనెల 29న నాంపల్లిలోని ఎగ్జిబిషన్‌ మైదానంలో నిర్వహిస్తున్నట్లు వెల్లడించారు.