Ap News: వెంకటయ్య ఆశయ సాధనకు కృషి చేయాలి

బేతంచెర్ల: కార్మిక సంఘం నాయకుడు వెంకటయ్య ఆశయ సాధన కోసం ప్రతి కార్మికుడు కృషి చేయాలని ఆసంఘం నాయకులు వైవీ వెంకటేశ్వర్లు, ఎల్లయ్య పేర్కొన్నారు. శనివారం కామ్రేడ్ వెంకటయ్య వర్ధంతి సందర్భంగా లారీ వర్కర్స్ యూనియన్ కార్యాలయంలో ఆ యూనియన్ ప్రధాన కార్యదర్శి వెంకటేశ్వర, సీఐటీయూ నాయకుల ఆధ్వర్యంలో పూలమాలలు వేసి ఘనంగా నివాళులు అర్పించారు. లారీ డ్రైవర్ల సమస్య పరిష్కారం కోసం, వారి హక్కుల కోసం, కార్మికుల సంక్షేమం కోసం పోరాడే వ్యక్తి అని కొనియాడారు. కార్యక్రమంలో మోటార్ వర్కర్స్ యూనియన్ అధ్యక్షుడు శ్రీనివాసులు, ఉపాధ్యక్షుడు సంజీవ నాయుడు, మద్దిలేటిస్వామి, వెంకటేశ్ నాయక్, మధు శేఖర్ తదితరులు పాల్గొన్నారు.