Nandyala: ఎలుగుబంటి దాడిలో వ్యక్తికి గాయాలు

సున్నిపెంట సర్కిల్: నల్లమల అటవీ ప్రాంతంలోని ఇష్టకామేశ్వరి బేస్ క్యాంప్ సమీపంలో ఎలుగు బంటి దాడి కలకలం రేపింది. కుడుముల బయన్న అనే వ్యక్తిపై శనివారం ఎలుగుబంటి దాడి చేసింది. నక్కంటి రేంజ్ ఆఫీసర్ పి.ఎం.డి. ఆరిఫ్ ఖాన్ తెలిపిన వివరాల మేరకు.. ప్రకాశం జిల్లా ఎర్రగొండపాలెం మండలం, గాంధీ నగర్‌కు చెందిన కుడుముల బయన్న అనే వ్యక్తి మోదుగామాని పెంట సమీపంలో పాలగడ్డలకు వెళ్లిన సమయంలో ఎలుగుబంటి దాడి చేసినట్లు చెప్పారు. తప్పించుకొని ఇష్టకామేశ్వరి బేస్ క్యాంప్ ఏరియాకు వచ్చేసరికి ఫారెస్ట్ సిబ్బంది సున్నిపెంట ప్రభుత్వ వైద్యశాలకు తరలించారు. వైద్య సిబ్బంది ప్రథమ చికిత్స అందించి మార్కాపురానికి తరలించారు.