అందని బియ్యం..పేదల ఆగ్రహం

సచివాలయం ఎదుట ఆందోళన చేస్తున్న గజ్జహళ్లి గ్రామస్థులు

హొళగుంద, న్యూస్‌టుడే: హొళగుంద మండల పరిధిలోని గజ్జహళ్లిలో 17 రోజులైనా రేషన్‌ బియ్యం ఇవ్వలేదని గ్రామ సచివాలయం ఎదుట శుక్రవారం ఆందోళన చేపట్టారు. రామలింగ, శేఖర్‌, మంజు, మల్లమ్మ మాట్లాడుతూ 50 కుటుంబాలకు బియ్యం అందలేదన్నారు.

హాలహర్వి, న్యూస్‌టుడే: హాలహర్వి మండలంలోని జె.హొస్సళ్లి గ్రామంలో ఈ నెల రేషన్‌ సరకులు ఇంకా అందలేదని గ్రామస్థులు మల్లయ్య, లక్ష్మి, పద్దమ్మ, భాగ్యమ్మ, సుశాంతస్వామి, సాదు, నిఖితమ్మ తెలిపారు.

నేడూ రేషన్‌ సరకుల పంపిణీ

కర్నూలు సచివాలయం, న్యూస్‌టుడే: ‘‘గడపకు చేరని బియ్యం’’ శీర్షికన ‘ఈనాడు’లో శుక్రవారం కథనం ప్రచురితమవడంతో అధికారులు స్పందించారు. ప్రజల సౌకర్యార్థం ప్రజా పంపిణీ వ్యవస్థ ద్వారా ఇంటింటికి రేషన్‌ పంపిణీని ఒకరోజు పొడిగించినట్లు కలెక్టర్‌ డా.జి సృజన ఒక ప్రకటనలో తెలిపారు.