శుకనంపై చిరుత దాడి

సున్నిపెంట సర్కిల్ : సున్నిపెంటలోని వెస్ట్రన్‌ కాలనీలో  ఓ ఇంటి ఆవరణలో  పెంపుడు శునకంపై చిరుత పులి దాడి చేసి హతమార్చింది. వివరాల్లోకి వెళితే.. స్థానికంగా నివాసం ఉండే  నల్లబోతుల మల్లికార్జున అనే వ్యక్తి.. తన  ఇంటి ఆవరణలో ఉన్న పెంపుడు శునకంపై చిరుత  శనివారం తెల్లవారుజామున దాడిచేసినట్లు  తెలిపారు. సమాచారం అందుకున్న  అటవీ శాఖ అధికారులు ఘటనాస్థలికి  చేరుకుని చిరుత అడుగులను గుర్తించినట్లు చెప్పారు. సున్నిపెంటలోని వెస్ట్రన్‌ కాలనీ నలమల అటవీ ప్రాంతానికి సమీపంలో ఉండటంతో  చిరుత పులి సంచరిస్తోందని,  ప్రజలు అప్రమత్తంగా ఉండాలని అటవీశాఖ శ్రీశైలం రేంజ్‌ అధికారి నరసింహులు తెలిపారు.