Nandyala: అక్రమాలపై విచారణ జరిపించాలి

రైతునగరం (నంద్యాల): రాయలసీమకే తలమానికంగా ఉన్న విజయ పాల డైరీలో జరుగుతున్న అవినీతి, అక్రమాలపై నంద్యాల జిల్లా కలెక్టర్ సమగ్ర విచారణ జరిపించాలని నాయకులు కోరారు. సీఐటీయూ అధ్యక్ష, కార్యదర్శులు ఏసురత్నం, నాగరాజు డిమాండ్ చేశారు. శనివారం పట్టణంలోని సీఐటీయూ కార్యాలయంలో ముఖ్య నాయకుల సమావేశం నిర్వహించారు. ఈ సందర్భంగా వారు మాట్లాడుతూ.. విజయ పాల డైరీ ఛైర్మన్ గా జగన్మోహన్‌రెడ్డి ప్రమాణ స్వీకారం చేసినప్పటి నుంచి ప్రజల సొమ్మును వృథాగా ఖర్చు చేస్తున్నారని ఆరోపించారు. బొగ్గు, పాలు, పెరుగు వంటి వాటిని పక్కదారి పట్టించి సొమ్ము చేసుకుంటున్నారన్నారు. ఈ సమావేశంలో నాయకులు తోట మద్దులు, లక్ష్మణ్, మహమ్మద్ గౌస్ పాల్గొన్నారు.