Fire Accident: ఎయిరిండియా బస్సులో అగ్నిప్రమాదం

దిల్లీ విమానాశ్రయంలో ఘటన

దిల్లీ: దేశ రాజధాని దిల్లీలోని ఇందిరాగాంధీ అంతర్జాతీయ విమానాశ్రయంలో ఎయిరిండియాకు చెందిన ఓ బస్సు దగ్ధమైంది. మంగళవారం మధ్యాహ్నం ఎయిర్‌పోర్టులోని మూడో టెర్మినల్‌ వద్ద ఆగి ఉన్న బస్సులో మంటలు చెలరేగాయి. ప్రమాద సమయంలో ప్రయాణికులెవరూ లేకపోవడంతో పెను ప్రమాదం తప్పింది. ట్యాక్సీయింగ్‌ ఏరియాలో నిలిపి ఉంచిన విమానానికి అత్యంత సమీపంలో ఈ ప్రమాదం జరిగింది. అప్రమత్తమైన ఎయిర్‌పోర్టు సిబ్బంది మంటలను అదుపు చేశారు. షార్ట్‌ సర్క్యూట్‌ కారణంగా ఈ ప్రమాదం జరిగినట్లుగా సమాచారం. తదుపరి దర్యాప్తు కొనసాగుతోందని అధికారులు పేర్కొన్నారు.