హత్యకేసు నిందితుడు కైఫ్‌తో తేజస్వీ ఫొటోలు

వివాదంలో ఆర్జేడీ నేత

పట్నా: ఆర్జేడీ నేత, బిహార్‌ మాజీ ఉప ముఖ్యమంత్రి తేజస్వీ యాదవ్‌ వివాదంలో చిక్కుకున్నారు. షార్ప్‌షూటర్‌, హత్యకేసు నిందితుడు మహ్మద్‌ కైఫ్‌తో ఆయన దిగిన చిత్రాలు వైరల్‌ కావడంతో విమర్శలు వ్యక్తం అవుతున్నారు. భాజపా ఆ చిత్రాలను షేర్‌ చేస్తూ ఆర్జేడీని దుయ్యబట్టింది. ‘‘తేజస్వీ నేతృత్వంలో ఆర్జేడీకి కొత్త పంథా ఏమీ లేదు. కొత్త సీసాలో పాత సారా చందంగానే ఉంది. బిహార్‌లో నేరస్థులను రాజకీయాల్లోకి తీసుకువచ్చిన ఘనత ఆర్జేడీదే. ఈ ఇద్దరి సమావేశం యాదృచ్ఛికంగా జరిగిందేమీ కాదు. వారిమధ్య మంచి అనుబంధం ఉంది’’ అని విమర్శలు చేసింది. తేజస్వీ నిర్వహిస్తోన్న ‘జన్‌ విశ్వాస్‌ యాత్ర’లో భాగంగా సివాన్‌లో వారిద్దరు భేటీ అయినట్లు తెలుస్తోంది.