Kashmir: ‘గుల్‌మార్గ్‌’లో మంచు బీభత్సం..! విదేశీయుడు మృతి, పలువురు గల్లంతు

శ్రీనగర్: జమ్మూకశ్మీర్‌ (Jammu Kashmir)లోని ప్రముఖ పర్యటక కేంద్రం గుల్‌మార్గ్‌ (Gulmarg)లో మంచు చరియలు విరిగిపడిన ఘటన (Avalanche)లో ఓ విదేశీ పర్యటకుడు మృతి చెందాడు. అతడిని రష్యా జాతీయుడిగా గుర్తించారు. మరికొందరు గల్లంతయినట్లు అధికారులు తెలిపారు. అయిదుగురిని కాపాడి, స్థానిక ఆస్పత్రికి తరలించినట్లు చెప్పారు. ఆర్మీ, స్థానిక యంత్రాంగం సహాయక చర్యల్లో నిమగ్నమైంది. దీనికోసం హెలికాప్టర్లను రంగంలోకి దించారు.

భూతల స్వర్గంలో ఒక మ్యాచ్‌.. కశ్మీర్‌ గల్లీలో సచిన్‌ సందడి

స్థానికుల తోడు లేకుండానే.. విదేశీ పర్యటకులు కొంగ్‌డోరి వాలు ప్రాంతంలో స్కీయింగ్‌ వెళ్లినట్లు అధికారులు వెల్లడించారు. కొన్ని రోజులుగా కశ్మీర్‌ను మంచు కమ్మేసింది. హిమపాతం కారణంగా ఎత్తైన ప్రాంతాలతోపాటు లోయలూ మంచుతో నిండిపోతున్నాయి. దీంతో ‘స్కీయింగ్‌’కు పేరుపొందిన గుల్‌మార్గ్‌కు పర్యటకులు వెల్లువెత్తారు. పర్వత ప్రాంతాల్లో మంచు చరియలు విరిగిపడే ముప్పు ఉందని అధికారులు హెచ్చరికలు జారీ చేసిన వేళ ఈ ఘటన చోటుచేసుకుంది.