Tollywood: నాయిక.. పట్టు వదలక
ఏడాదికో సినిమా చేయడం కథానాయకులకి కష్టమేమో కానీ... కథానాయికలు నాలుగైదు సినిమాలైనా సులభంగా చేసేస్తారు. ఎక్కువ సినిమాల్లో నాయికల పాత్రల పరిధి పరిమితం కావడం... తక్కువ కాల్షీట్లతోనే పని పూర్తి చేసుకొని బయటికొచ్చే వెసులుబాటు ఉండటం వీళ్లకి కలిసొచ్చే విషయం.
ఏడాదికో సినిమా చేయడం కథానాయకులకి కష్టమేమో కానీ... కథానాయికలు నాలుగైదు సినిమాలైనా సులభంగా చేసేస్తారు. ఎక్కువ సినిమాల్లో నాయికల పాత్రల పరిధి పరిమితం కావడం... తక్కువ కాల్షీట్లతోనే పని పూర్తి చేసుకొని బయటికొచ్చే వెసులుబాటు ఉండటం వీళ్లకి కలిసొచ్చే విషయం. అందుకే వీలైనన్ని భాషల్లో... వీలైనన్ని సినిమాలు చేయాలనే లక్ష్యంతో అడుగులు వేస్తుంటారు. ఇంకా కాల్షీట్లు ఖాళీగా ఉన్నాయనిపిస్తే... వెబ్ సిరీస్లపైనా ఓ కన్నేస్తుంటారు. తెలుగులో ఈ ఏడాది అరడజను మందికిపైగా స్టార్ కథానాయకులు తెరపై కనిపించలేదు. కథానాయికలు మాత్రం అవకాశాల విషయంలో ఎప్పట్లాగే పట్టు ప్రదర్శిస్తూ తమ ఉనికిని చాటుకున్నారు. పూజాహెగ్డే మినహా స్టార్ భామల్లో ఈ ఏడాది చాలా మందికి మంచి విజయాలు దక్కాయి.
స్టార్లుగా చలామణీ అవుతున్న భామలు కొద్దిమందైతే... స్టార్ స్థానం కోసం రేసులో ఉన్నవాళ్లు మరికొద్దిమంది... వీళ్లతోపాటు తొలి పరిచయాల మెరుపులు ఇంకొంతమందివి... ఈ మూడు శ్రేణులకి చెందిన కథానాయికలు చిత్ర పరిశ్రమలో ఎప్పుడూ కనిపిస్తుంటారు. ఏ అవకాశం ఎవరిని వరిస్తుందో ఊహించలేం. స్టార్ భామలు తమ స్థానాన్ని నిలబెట్టుకునేలా తగిన పాత్రల్ని ఎంచుకుంటూ ప్రయాణం చేస్తుంటారు. జోరుమీదున్న నవతరం భామలేమో స్టార్ హీరోల చిత్రాలపై దృష్టి పెడుతూ... స్టార్ కథానాయిక అనిపించుకోవాలనే లక్ష్యంతో ప్రయాణం చేస్తుంటారు. ఇక కొత్త మెరుపులు ఉండనే ఉంటాయి. ఒక్క సినిమాతోనే అనూహ్యంగా పరిశ్రమ దృష్టిని ఆకర్షించే కొత్త భామలూ అప్పుడప్పుడూ వస్తుంటారు. 2023లో ఈ మూడు రకాల భామలు సత్తాని చాటారు. గత మూడు నాలుగేళ్లుగా తెలుగు చిత్రసీమపై తనదైన ఆధిపత్యం ప్రదర్శించిన పూజాహెగ్డే మినహా అగ్ర కథానాయికలు చాలామంది అవకాశాలు, విజయాల పరంపరని కొనసాగించారు.
అనుభవాన్ని రంగరించి...
తెలుగు చిత్రసీమలో అనుభవం పండిన కథానాయికలు చాలామందే కనిపిస్తున్నారు. ఒకప్పుడు బలమైన పాత్రలు రాయాలన్నా ‘వీటిని చేసేవాళ్లు ఎవరున్నారు?’ అనే ప్రశ్న వేసుకుని ఆగిపోయేవాళ్లు దర్శకులు. ఇప్పుడు ఆ సందేహమే అవసరం లేదన్నట్టుగా నటనతో సత్తా చాటుతున్నారు కథానాయికలు. అనుష్క, కాజల్, తమన్నా, శ్రుతిహాసన్ మొదలుకొని జోరుమీదున్న సమంత, రష్మిక, కీర్తిసురేశ్ తదితర కథానాయికలు బలమైన పాత్రలకి, నటనకి కేరాఫ్గా కనిపిస్తున్నారు. అనుష్క ‘మిస్ శెట్టి మిస్టర్ పొలిశెట్టి’తో మరోసారి మ్యాజిక్ చేసింది.. సమంత ఈ ఏడాది రెండు చిత్రాల్లో సందడి చేసింది. నాయికా ప్రధానమైన ‘శాకుంతలం’ విజయాన్ని ఇవ్వలేదు కానీ, ‘ఖుషి’తో ఆమె చేసిన సందడి ప్రేక్షకుల్ని ఆకట్టుకుంది. శ్రుతిహాసన్ ఈ ఏడాది ఆరంభంలోనే చిరంజీవి, బాలకృష్ణ సరసన ‘వాల్తేరు వీరయ్య’, ‘వీరసింహారెడ్డి’ చిత్రాల్లో నటించి విజయాల్ని సొంతం చేసుకుంది. ‘హాయ్ నాన్న’లో ప్రత్యేక గీతంలో తళుక్కున మెరిసింది. త్వరలోనే విడుదల కానున్న ‘సలార్’లోనూ ఆమే కథానాయిక. కొత్త ప్రాజెక్టుల విషయంలోనూ ఆమె జోరు కొనసాగుతోంది. అడివి శేష్తో కలిసి ఓ చిత్రంలో నటిస్తోంది. తమన్నా ‘భోళాశంకర్’లో చిరంజీవి సరసన నటించింది. ‘జైలర్’తో కావాలయ్యా... అంటూ తెలుగు ప్రేక్షకుల్నీ మురిపించింది. కాజల్ ‘భగవంత్ కేసరి’తో పునరాగమనం చేసి విజయాన్ని తన ఖాతాలో వేసుకుంది. ప్రస్తుతం ‘సత్యభామ’ అనే నాయిక ప్రధానమైన సినిమా చేస్తుంది.
సత్తా చాటారు...
రష్మిక నేరుగా తెలుగు సినిమా చేయలేకపోవచ్చు కానీ... అనువాదాలుగా వచ్చిన ‘వారసుడు’, ‘యానిమల్’ చిత్రాలతో బలమైన ప్రభావమే చూపించింది. తెలుగు సినిమా చేయలేదన్న లోటుని ఆమె ఈ సినిమాలతోనే తీర్చేశారు. ఇప్పుడు మాత్రం తెలుగులో ‘పుష్ప2’, ‘రెయిన్ బో’, ‘ది గర్ల్ఫ్రెండ్’ చిత్రాల్ని చేస్తూ బిజీ బిజీగా గడుపుతున్నారు. నటనా ప్రధానమైన పాత్రలనగానే గుర్తొచ్చే కీర్తిసురేశ్ ఈ ఏడాదీ తన శైలిలో పాత్రల్ని ఎంచుకుని ప్రేక్షకుల్ని మురిపించారు. నానితో కలిసి చేసిన ‘దసరా’ ఆమెకి మంచి పేరు తీసుకొచ్చింది. తమిళంలో చేసిన ‘మామన్నన్’ తెలుగులో ‘నాయకుడు’గా అనువాదమైంది. అందులోనూ కీర్తి నటన ప్రేక్షకుల్ని మెప్పించింది.
కొత్త మెరుపులు...
ఈ ఏడాది తెలుగులో మార్మోగిన కథానాయిక పేరు... శ్రీలీల. ఈ ఏడాది ఎక్కువ అవకాశాలు సొంతం చేసుకున్నదీ, ఎక్కువ సినిమాలతో ప్రేక్షకుల ముందుకొచ్చింది ఆమే. గతేడాది ‘ధమాకా’తో విజయాన్ని సొంతం చేసుకుని, తనలోని ప్రతిభనంతా ఆవిష్కరించిన శ్రీలీల ఈ సంవత్సరం ‘భగవంత్ కేసరి’, ‘ఎక్స్ట్రా ఆర్డినరీ మేన్’, ‘ఆదికేశవ’, ‘స్కంద’ సినిమాలతో ప్రేక్షకుల ముందుకొచ్చింది. ‘భగవంత్ కేసరి’లో శ్రీలీల నటన ప్రేక్షకుల్ని మెప్పించింది. ప్రస్తుతం ‘ఉస్తాద్ భగత్సింగ్’, ‘గుంటూరు కారం’, ‘అనగనగా ఒక రాజు’తోపాటు, విజయ్ దేవరకొండ, నితిన్ చిత్రాల్లో నటిస్తోంది. ఈ నెలలోనే విడుదలయ్యే ‘డెవిల్’తో సంయుక్త మేనన్ విడుదలల సంఖ్య మూడుకి చేరుతుంది. ‘సార్’, ‘విరూపాక్ష’ సినిమాలతో ఆమె ఇప్పటికే విజయాల్ని తన ఖాతాలో వేసుకుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నేను చేయను.. నీకేమైనా ఇబ్బందా?: నెటిజన్కు హీరోయిన్ ఘాటు రిప్లై
మలయాళీ నటి మాళవిక మోహనన్ ఓ నెటిజన్కు ఘాటు రిప్లై ఇచ్చారు. ఏం జరిగిందంటే? -
నాగార్జునతో బాబీ దేవోల్ ఢీ!
‘కుబేర’ తర్వాత నాగార్జున చేయనున్న చిత్రంపై ఇప్పటికే స్పష్టత వచ్చింది. ఆయన స్టూడియో గ్రీన్ పతాకంపై తమిళ దర్శకుడు నవీన్తో ఓ సినిమా చేయనున్నారు. -
మళ్లీ కలిసేనా?
‘టిల్లు స్క్వేర్’లో లిల్లీగా కనిపించి సినీప్రియుల గుండెల్లో గుబులు రేపింది అనుపమ పరమేశ్వరన్. ప్రస్తుతం ఆమె ‘పరదా’తో అలరించేందుకు సిద్ధంగా ఉంది. -
మరోసారి ఈ జోడీ?
నాగచైతన్య - పూజా హెగ్డే జోడీ మరోసారి తెరపై సందడి చేసే అవకాశాలున్నాయి. ప్రస్తుతం ‘తండేల్’ సినిమా చేస్తున్న చైతూ... తదుపరి కార్తీక్ దండు దర్శకత్వంలో ఓ సినిమా చేయనున్నారు. -
పేరు మరింత బాధ్యతని పెంచింది
పెళ్లికి సంబంధించి చాలా మందికి తెలియని విషయాల్ని మా సినిమాతో చెబుతున్నాం. హాస్యంతోపాటు... భావోద్వేగాలూ బలమైన ప్రభావం చూపిస్తాయ’’ని చెప్పారు మల్లి అంకం. -
భయపెడుతూనే నవ్విస్తుంది.. బాక్
‘అస్సామీ జానపదంలో బాక్ అనే దెయ్యం ఉందని మా దర్శకుడు తన స్క్రిప్ట్ పరిశోధనలో తెలుసుకున్నారు. అసలు ఆ బాక్ కథ ఏమిటి? తను ఏం చేస్తుందనేది తెలియాలంటే సినిమా చూడాల్సిందే’ అన్నారు ప్రముఖ నటి ఖుష్బూ. -
విదేశాల్లో వచ్చినా... మన దేశంలో రాలేదు
‘‘సుహాస్ అనగానే వినూత్నమైన కథలే గుర్తొస్తాయి. అందుకు తగ్గట్టుగానే ఇప్పటివరకూ భారతీయ తెరపై చూడని ఓ కొత్త కథని ‘ప్రసన్న వదనం’తో చెబుతున్నాం. -
నేను గ్యాంగ్స్టర్గా నటిస్తే...!
తన ఫొటోషూట్స్తో సామాజిక మాధ్యమాల్నీ సందడి చేస్తుంటుంది మాళవిక మోహనన్. చీర కట్టినా... చిట్టి పొట్టి ట్రెండీ దుస్తులేసినా గ్లామరస్గా కనిపించడంలో ఆమెదంటూ ఓ ప్రత్యేకమైన శైలి. -
యాక్షన్ గణేశుడు వస్తున్నాడు
గతేడాది ‘బేబీ’ చిత్రంతో భారీ విజయాన్ని అందుకున్నారు ఆనంద్ దేవరకొండ. ఇప్పుడు ‘గం.. గం.. గణేశా’తో అలరించేందుకు సిద్ధమవుతున్నారు. -
ఆ సినిమా చూశాక వ్యాక్సింగ్ మానేశా: తమన్నా
ఓ హాలీవుడ్ సినిమా చూశాక తాను వ్యాక్సింగ్ మానేశానని చెప్పారు తమన్నా. అదే చిత్రమంటే? -
ప్రేమలో విఫలమైతే అలా చేయొద్దు: పూరి జగన్నాథ్
‘పూరి మ్యూజింగ్స్’ పేరుతో పూరి జగన్నాథ్ మరో స్పెషల్ వీడియోను పంచుకున్నారు. సానుభూతి కోసం ఎదురుచూడొద్దని కోరారు. -
‘బాయ్ఫ్రెండ్ ఓవర్సైజ్డ్ షర్ట్’లో అషు.. కీర్తి సురేశ్ చిల్!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
కల్కి ఆ ఇంగ్లీష్ మూవీకి కాపీనా? నాగ్ అశ్విన్ రిప్లై ఇదే!
ప్రభాస్ నటిస్తున్న ‘కల్కి’ మూవీ ఓ హాలీవుడ్ మూవీకి కాపీ అంటూ వస్తున్న వార్తలపై దర్శకుడు నాగ్ అశ్విన్ స్పందించారు.
తాజా వార్తలు (Latest News)
-
5 రోజుల్లో రూ.3 లక్షల కోట్లు ఎగసిన మస్క్ సంపద
-
పన్నూపై హత్యాయత్నం.. వాషింగ్టన్ పోస్టు కథనంపై భారత్ ఘాటు స్పందన
-
కేసీఆర్ను చూస్తే గోబెల్స్ మళ్లీ పుట్టాడనిపిస్తోంది : సీఎం రేవంత్
-
సునీల్ నరైన్ను టీమ్ మీటింగ్లకు రావొద్దనే వాడిని: శ్రేయస్ అయ్యర్
-
‘పాకిస్థాన్కు చెప్పిన తర్వాతే..’: బాలాకోట్ దాడులపై మోదీ కీలక వ్యాఖ్యలు
-
నేను చేయను.. నీకేమైనా ఇబ్బందా?: నెటిజన్కు హీరోయిన్ ఘాటు రిప్లై