Yesudas: ఏసుదాసు కుమారుడి నివాసంలో భారీ చోరీ

చెన్నై: ప్రముఖ గాయకుడు ఏసుదాసు (Yesudas) కుమారుడు, యువ సింగర్‌ విజయ్‌ ఏసుదాసు (Vijay Yesudas) నివాసంలో భారీ చోరీ జరిగింది. 60 సవర్ల బంగారం, వజ్రాభరణాలు చోరీకి గురయ్యాయంటూ ఆయన చెన్నై పోలీసులకు ఫిర్యాదు చేశారు. ఇంట్లో పనిచేసే సిబ్బందిపై అనుమానం ఉన్నట్లు ఆయన ఫిర్యాదులో పేర్కొన్నారు. కేసు నమోదు చేసుకున్న పోలీసులు దర్యాప్తు చేపట్టారు. మరోవైపు, రజనీకాంత్‌ కుమార్తె ఐశ్వర్య నివాసంలోనూ ఇటీవల బంగారం, వజ్రాభరణాలు చోరీకి గురైన విషయం తెలిసిందే. దర్యాప్తు చేపట్టిన పోలీసులు ఆమె ఇంట్లో పనిచేసే ఈశ్వరీ అనే మహిళను అరెస్ట్‌ చేయగా.. జీతం సరిపోకపోవడం వల్లే తాను చోరీలకు పాల్పడినట్లు తెలిపింది. ఐశ్వర్య నివాసంలో జరిగిన దొంగతనాన్ని మర్చిపోకముందే విజయ్‌ ఏసుదాసు నివాసంలోనూ ఇలాంటి ఘటన చోటుచేసుకోవడం చర్చనీయాంశమైంది.