Aarambham: ‘ఈటీవీ విన్‌’లో ‘ఆరంభం’.. స్ట్రీమింగ్‌ ఎప్పుడంటే?

ఇంటర్నెట్‌ డెస్క్‌: మోహన్‌ భగత్‌, సుప్రితా సత్యనారాయణ్‌, భూషణ్‌ తదితరలు ప్రధాన పాత్రల్లో నటించిన చిత్రం ‘ఆరంభం’ (Aarambham). అజయ్‌ నాగ్‌ దర్శకత్వం వహించారు. ఈ సినిమా ఓటీటీ రిలీజ్‌ డేట్‌ ఖరారైంది. తెలుగు ప్రముఖ ఓటీటీ ‘ఈటీవీ విన్‌’ (ETV Win)లో ఈ నెల 23 నుంచి స్ట్రీమింగ్‌ కానుంది. సైన్స్‌ ఫిక్షన్‌ డ్రామా నేపథ్యంలో రూపొందిన ఈ సినిమా ఈ నెల 10న థియేటర్లో విడుదలై, విమర్శకుల ప్రశంసలు అందుకుంది. 

కథేంటంటే? ఓ హత్యకేసులో రెండున్నరేళ్లు జైలు జీవితం గడుపుతాడు మిగిల్‌ అనే వ్యక్తి. ఉరిశిక్ష ఖరారుకాగా జైలు నుంచి పారిపోతాడు. ఫుల్‌ సెక్యూరిటీ ఉండగా అతడెలా తప్పించుకున్నాడో తెలుసుకునేందుకు డిటెక్టివ్‌ రంగంలోకి దిగుతాడు. ఈ క్రమంలో డిటెక్టివ్‌కి మిగిల్‌కు సంబంధించిన పుస్తకం ఒకటి కనిపిస్తుంది. అందులో ఉన్న డెజావు కాన్సెప్ట్‌ ఏంటి? దాని గురించి మిగిల్‌కు చెప్పిందెవరు? అసలు అతడు మర్డర్‌ చేశాడా, లేదా? అన్న ఆసక్తికర అంశాలతో ఈ సినిమా రూపొందింది.