Vasanthi Krishnan: బిగ్‌బాస్‌ ఫేమ్‌ వాసంతి నిశ్చితార్థం.. వీడియో వైరల్‌

ఇంటర్నెట్‌డెస్క్‌: సెలబ్రిటీ రియాల్టీ షో ‘బిగ్‌బాస్‌ సీజన్‌ 6’లో పాల్గొన్న నటి వాసంతి కృష్ణన్‌ (Vasanthi Krishnan) త్వరలో పెళ్లి పీటలెక్కనున్నారు. తన మిత్రుడు పవన్‌కల్యాణ్‌తో ఆమె త్వరలో ఏడడుగులు వేయనున్నారు. తిరుపతిలోని ఓ ఫంక్షన్‌ హాల్‌లో గురువారం వీరి నిశ్చితార్థం వేడుకగా జరిగింది. ఇరు కుటుంబసభ్యులతోపాటు పలువురు బుల్లితెర నటీనటులు ఈ ఫంక్షన్‌లో పాల్గొన్నారు. కాబోయే వధూవరులకు అభినందనలు తెలిపారు. దీనికి సంబంధించిన ఓ వీడియో ప్రస్తుతం నెట్టింట వైరల్‌గా మారింది. తెలుగులో పలు ధారావాహికల్లో నటించిన ఆమె కన్నడ సినిమాల్లోనూ కీలక పాత్రలు పోషించారు.