Aditi Rao Hydari: బిబ్బోజాన్‌కి స్వేచ్ఛ కంటే గొప్పది లేదు

‘బిబ్బోజాన్‌కి స్వేచ్ఛ కంటే గొప్పది మరొకటి లేదు. అంతేకాదు, స్వేచ్ఛను కోరుకునే ఈమె తన విప్లవాన్ని ప్రేమ అనే స్పర్శతో నడిపిస్తుంది’ అంటూ ‘హీరామండీ: ది డైమండ్‌ బజార్‌’లోని అదితీరావ్‌ హైదరీ పాత్రను పరిచయం చేసింది ఆ సిరీస్‌బృందం. వేశ్యావృత్తితో సమాంతర వ్యవస్థను నడుపుతున్న కొంతమంది మహిళల జీవిత కథే ఈ సిరీస్‌. ఎంతో ప్రతిష్ఠాత్మకంగా రూపుదిద్దుకున్న ఈ సిరీస్‌ను సంజయ్‌లీలా భన్సాలీ తెరకెక్కిస్తున్నారు. ఈమె, మనీషా కోయిరాలా, సోనాక్షి సిన్హా, రిచా చద్దా, సంజీదా షేక్‌లు కీలక పాత్రలు పోషిస్తున్నారు. తాజాగా ఇందులోని అదితి పోషించిన బిబ్బోజాన్‌ పాత్రను పరిచయం చేస్తూ ఓ వీడియోను పంచుకుంది సిరీస్‌బృందం. ‘మచ్చలేని నా అందం, గజ్జెలు ధరించి నా కాళ్లు చేసే సంగీతం గురించే వారు మాట్లాడతారు. మాతృభూమి కోరుకునే స్వేచ్ఛకోసం అందాన్ని ఆయుధంగా ఉపయోగించుకునే కళ కూడా ఈ బిబ్బోజాన్‌కి తెలుసు’ అనే వ్యాఖ్యలతో ఉన్న వీడియోలో అదితి అందం ఆకట్టుకుంటోంది. మే 1న ఈ సిరీస్‌ విడుదల కానుంది.