Amitabh Bachchan: యుద్ధ భూమిలో అశ్వత్థామ

ప్రభాస్‌ - నాగ్‌ అశ్విన్‌ కలయికలో రూపొందిన బహుభాషా చిత్రం ‘కల్కి 2898 ఎ.డి’ విడుదలకు సిద్ధమవుతోంది. ఈ నేపథ్యంలోనే ప్రచార పర్వాన్ని పరుగులు పెట్టిస్తోంది చిత్ర బృందం. ఇందులో భాగంగా శుక్రవారం ఈ సినిమా నుంచి అశ్వత్థామగా అమితాబ్‌ బచ్చన్‌ కొత్త లుక్‌ విడుదల చేశారు. అందులో ఆయన నుదుటిపై ఓ దివ్య రత్నాన్ని ధరించి.. చేతిలో ఓ అస్త్రం పట్టుకుని యుద్ధ భూమిలో నిల్చొని కనిపించారు. ఆయన చుట్టూ కొందరు వ్యక్తులు నేలపై పడి ఉండగా.. తన వెనుక ఓ చిత్రమైన భారీ వాహనం ఆగి ఉండటం ఆసక్తికరంగా ఉంది. వినూత్నమైన సైన్స్‌ ఫిక్షన్‌ కథతో ముస్తాబైన ఈ చిత్రం ఈ నెల 27న థియేటర్లలోకి రానుండగా.. ఈ నెల 10న ట్రైలర్‌ను విడుదల చేయనున్నారు. ఇందులో దీపిక పదుకొణె, కమల్‌హాసన్, దిశా పటానీ తదితరులు ముఖ్య పాత్రలు పోషించారు. సంతోష్‌ నారాయణన్‌ సంగీతమందించారు.