Shahid Kapoor: అనీష్‌తో షాహిద్‌ చిత్రం

బాలీవుడ్‌లో విజయాలు తగ్గిపోయిన తరుణంలో ఈ ఏడాది ‘భూల్‌ భులయ్యా 2’తో మంచి విజయాన్ని అందుకున్నారు దర్శకుడు అనీష్‌ బజ్మీ (Anees Bazmee). ఆయన తదుపరి చిత్రాన్ని విక్కీ కౌశల్‌తో చేయాలనుకున్నారు. కానీ అది ప్రస్తుతానికి సెట్స్‌పైకి వెళ్లే అవకాశాలు లేవని తెలుస్తోంది. అందుకే ఆయన షాహిద్‌కపూర్‌తో (Shahid Kapoor) సినిమా చేయడానికి సన్నాహాలు చేస్తున్నారు. ‘‘భూల్‌ భులయ్యా 2’ మంచి విజయం సాధించడం ఆనందంగా ఉంది. నా దర్శకత్వంలో సినిమా చేయడానికి షాహిద్‌ అంగీకారం తెలిపారు. సరైన కథను సిద్ధం చేసి వెంటనే సినిమాని మొదలుపెడతాం’’అని చెప్పారు అనీష్‌.