Venkatesh: ముహూర్తం కుదిరింది

ఈ సంక్రాంతికి ‘సైంధవ్‌’తో ప్రేక్షకుల ముందుకొచ్చారు వెంకటేశ్‌. ఇప్పుడాయన కొత్త చిత్రానికి శ్రీకారం చుట్టేందుకు సమాయత్తమవుతున్నారు. ఆయన ప్రస్తుతం అనిల్‌ రావిపూడి దర్శకత్వంలో ఓ సినిమా చేయనున్న సంగతి తెలిసిందే. ‘ఎఫ్‌2’, ‘ఎఫ్‌3’ సినిమాల తర్వాత ఈ ఇద్దరి నుంచి వస్తున్న హ్యాట్రిక్‌ చిత్రమిది. దిల్‌రాజు నిర్మాతగా వ్యవహరిస్తున్నారు. ఈ సినిమా ఉగాది సందర్భంగా పూజా కార్యక్రమాలతో లాంఛనంగా మొదలు కానుందని సమాచారం. ప్రస్తుతం దీనికి సంబంధించిన ఏర్పాట్లు చకచకా జరుగుతున్నట్లు తెలిసింది. ఇక రెగ్యులర్‌ చిత్రీకరణ జూన్‌లో ప్రారంభం కానున్నట్లు తెలుస్తోంది. యాక్షన్‌, వినోదంతో నిండి ఉన్న కుటుంబ కథాంశంతో ఈ చిత్రం రూపొందనున్నట్లు ప్రచారం వినిపిస్తోంది. ఇందులో వెంకీకి జోడీగా ఇద్దరు కథానాయికలు కనిపించనుండగా.. ఓ పాత్ర కోసం మీనాక్షి చౌదరిని ఖరారు చేశారని టాక్‌. ఈ చిత్రం కోసం ‘సంక్రాంతికి వస్తున్నాం’ అనే పేరు పరిశీలనలో ఉంది.