Animal Park: యానిమల్‌ పార్క్‌ 2026లో..

‘యానిమల్‌’ సంచలన విజయంతో యావత్తు సినీ పరిశ్రమ దృష్టిని తనవైపునకు తిప్పుకున్నారు దర్శకుడు సందీప్‌రెడ్డి వంగా. బాక్సాఫీసు రికార్డు వసూళ్లతోపాటు విమర్శలూ ఎదుర్కొందీ చిత్రం. రణ్‌బీర్‌ కపూర్‌, రష్మిక జోడీగా నటించిన ఈ సినిమాకి కొనసాగింపుగా ‘యానిమల్‌ పార్క్‌’ రాబోతున్నట్లు ఇప్పటికే ప్రకటించింది చిత్ర బృందం. ఈ సీక్వెల్‌ కోసం ఎంతో ఆసక్తిగా ఎదురుచూస్తున్న అభిమానుల నిరీక్షణకు తెరదించుతూ.. తాజాగా ఆదివారం  ఓ మీడియా సంస్థతో మాట్లాడుతూ ‘‘యానిమల్‌ పార్క్‌’ చిత్రీకరణను 2026లో ప్రారంభించడానికి సన్నాహాలు చేస్తున్నాం. మొదటి భాగం కన్నా మరింత భారీగా.. హింసాత్మకంగా.. ప్రేక్షకుల ఊహాలకు అందని యాక్షన్‌ సన్నివేశాలతో దీన్ని తీర్చిదిద్దుతున్నాన’ని చెప్పారు దర్శకుడు సందీప్‌రెడ్డి వంగా.