Anjali: అందుకే ముద్దు సన్నివేశాల్లో నటించాలంటే ఇబ్బంది: నటి అంజలి

ఇంటర్నెట్‌ డెస్క్‌: అచ్చ తెలుగు నటి అంజలి (Anjali) వరుస సినిమాలతో అలరిస్తున్నారు. తాజాగా ఓ ఇంటర్వ్యూలో ఆమె మాట్లాడుతూ ముద్దు సన్నివేశాలు, ఇంటిమేట్‌ సీన్లపై తన అభిప్రాయాన్ని పంచుకున్నారు. ‘సినిమాల్లో కొన్ని సన్నివేశాల్లో నటించేటప్పుడు సహనటుడు నా గురించి ఏమనుకుంటాడోనని ఆందోళన కలుగుతుంది. ఇంటిమేట్‌ సన్నివేశాలు సినిమాకు అవసరం కాబట్టి వాటిని నిరాకరించలేను. అసౌకర్యంగానే వాటిల్లో నటిస్తా. నిజ జీవితంలో ఇద్దరు ప్రేమికుల మధ్య ఉండే కెమిస్ట్రీకి.. సినిమాలో ప్రేమికుల మధ్య ఉండే దానికి చాలా వ్యత్యాసం ఉంటుంది. అందుకే సహనటులతో ముద్దు సన్నివేశాల్లో నటించేటప్పుడు నాకు ఇబ్బందిగా అనిపిస్తుంది’ అని చెప్పారు.

తన పెళ్లిపై వస్తోన్న వదంతుల గురించి ఇటీవల ఆమె స్పందిస్తూ... ‘కొందరు నా వ్యక్తిగత విషయాల గురించి వాళ్ల ఇష్టానుసారం ఊహాగానాలు రాస్తారు. ‘జర్నీ’ నటుడు జైతో నేను ప్రేమలో ఉన్నట్లు కొన్ని రోజులు రాశారు. ఆ తర్వాత అమెరికాకు చెందిన వ్యక్తితో నాకు పెళ్లి అయిపోయిందన్న  వార్తలు వచ్చాయి. వాటిని చూసినప్పుడు నా పెళ్లి నాకు తెలియకుండానే చేస్తున్నారని నవ్వుకుంటాను’.

అక్కడ ‘సలార్‌’ రికార్డు బ్రేక్‌ చేసిన ‘హనుమాన్‌’.. టాప్‌ 10 జాబితాలో స్థానం

సినిమాల విషయానికొస్తే.. విశ్వక్‌సేన్‌ హీరోగా రూపొందుతోన్న ‘గ్యాంగ్స్‌ ఆఫ్‌ గోదావరి’లో అంజలి కీలకపాత్రలో నటిస్తున్నారు. అలాగే రామ్ చరణ్‌-శంకర్ కాంబోలో తెరకెక్కుతోన్న ‘గేమ్‌ ఛేంజర్‌’లోనూ కనిపించనున్నారు. వీటితో పాటు తన 50వ చిత్రం ‘గీతాంజలి మళ్లీ వచ్చింది’ షూటింగ్‌ ఇటీవలే ప్రారంభమైంది.