ARM Teaser: అలాంటి కథలు రాత్రి వేళ చెప్పకూడదమ్మా.. ఆసక్తి రేకెత్తిస్తోన్న ‘ఏఆర్‌ఎం’ టీజర్‌

ఇంటర్నెట్‌ డెస్క్‌: మలయాళ నటుడు టొవినో థామస్‌ (Tovino Thomas) హీరోగా దర్శకుడు జితిన్‌ లాల్‌ తెరకెక్కిస్తున్న చిత్రం ‘ఏఆర్‌ఎం’ (అజయంతే రంధం మోషణమ్‌) (ARM). కృతిశెట్టి (Krithi Shetty) కథానాయిక. ఐశ్వర్య రాజేశ్‌, సురభి లక్ష్మి తదితరులు కీలక పాత్రలు పోషిస్తున్నారు. త్వరలోనే ఈ పాన్‌ ఇండియా సినిమా ప్రేక్షకుల ముందుకు రానుంది. ఈ సందర్భంగా చిత్ర బృందం టీజర్‌ (ARM Teaser)ని విడుదల చేసింది. ‘అమ్మమ్మా.. నాకు మణియనన్‌ కథ చెబుతావా’ అని మనవరాలు అడిగే సన్నివేశంతో ప్రారంభమైన టీజర్‌ ఆద్యంతం ఆసక్తిగా సాగింది. ఆ అమ్మమ్మ చెప్పిన సమాధానం వింటే ఈ సినిమా కరుడు గట్టిన దొంగ నేపథ్యంలో తెరకెక్కుతున్నట్టు అర్థమవుతోంది. విజువల్స్‌, నేపథ్య సంగీతం సినిమాపై అంచనాలు పెంచేలా ఉన్నాయి. డబ్బింగ్‌ చిత్రం ‘మిన్నల్‌ మురళి’తో టొవినో థామస్‌ తెలుగు ప్రేక్షకులకు పరిచయమైన సంగతి తెలిసిందే.