Cannes Film Festival: అదరగొట్టిన అనసూయ
ప్రతిష్ఠాత్మక కేన్స్ వేదికపై భారతీయ సినిమా ఘనంగా మెరిసింది. 77వ కేన్స్ చలనచిత్రోత్సవాల్లో ‘అన్ సర్టెయిన్ రిగార్డ్’ విభాగంలో భారతీయ నటి అనసూయ సేన్గుప్తాను ఉత్తమ నటిగా ప్రకటించారు.
కేన్స్ చిత్రోత్సవాల్లో ఉత్తమ నటి పురస్కారం
తొలి భారతీయురాలిగా చరిత్ర
ప్రతిష్ఠాత్మక కేన్స్ వేదికపై భారతీయ సినిమా ఘనంగా మెరిసింది. 77వ కేన్స్ చలనచిత్రోత్సవాల్లో ‘అన్ సర్టెయిన్ రిగార్డ్’ విభాగంలో భారతీయ నటి అనసూయ సేన్గుప్తాను ఉత్తమ నటిగా ప్రకటించారు. ‘ది షేమ్లెస్’ అనే హిందీ సినిమాలో అత్యుత్తమ నటనకుగాను ఈ అవార్డుకు ఎంపికయ్యారు. దీన్ని బల్గేరియన్ దర్శకుడు కాన్స్టాంటిన్ బొజనోవ్ తెరకెక్కించారు. ఈ విభాగంలో పురస్కారం అందుకున్న తొలి భారతీయ నటిగా ఆమె చరిత్ర సృష్టించారు. ‘విధిలేని పరిస్థితుల్లో పడుపు వృత్తిని కొనసాగిస్తున్నవారు, తమ హక్కుల కోసం గళమెత్తుతున్న అణగారిన వర్గాలకు ఈ అవార్డు అంకితమిస్తున్నా’ అంటూ పురస్కారం స్వీకరిస్తున్న సందర్భంగా అనసూయ చెప్పారు.
సినిమాలు వదిలేశాక.. అవకాశం
అనసూయ సేన్గుప్తాది కోల్కతా. జాదవ్పూర్ విశ్వవిద్యాలయం నుంచి ఆంగ్ల సాహిత్యంలో పట్టా అందుకున్నాక, తనకెంతో ఇష్టమైన సినిమా ప్రయత్నాలు మొదలు పెట్టారు. 2009లో అంజన్ దత్ తెరకెక్కించిన ‘మ్యాడ్లీ బంగాలీ’తో సహాయనటిగా తెరపైకి అడుగుపెట్టారు. తర్వాత బాలీవుడ్ కలల్ని వెతుక్కుంటూ 2013లో ముంబయిలో అడుగు పెట్టారు. కొన్ని చిన్నాచితకా పాత్రల్లో నటించినా.. చెప్పుకోదగ్గ అవకాశాలేమీ రాకపోవడంతో ప్రొడక్షన్ డిజైనర్గా మారారు. ‘సాత్ ఊంఛాకే’, ‘ఫార్గెట్ మి నాట్’, ‘మసాబా మసాబా’ చిత్రాలకు పని చేశారు. అనసూయకు నటనతో పాటు సాహిత్యం, చిత్రలేఖనం లాంటి ఇతర కళల్లోనూ ప్రావీణ్యం ఉండటంతో ఆ ప్రతిభకు ముగ్దుడై.. యశ్దీప్ ఆమెను ప్రేమించారు. తర్వాత వాళ్లు పెళ్లితో ఒక్కటయ్యాక గోవాలో స్థిరపడ్డారు. దాదాపు సినిమాలకు దూరంగా ఉన్న సమయంలో ఫేస్బుక్ ద్వారా దర్శకుడు కాన్స్టాంటిన్, అనసూయలు ఒకరికొకరు పరిచయమయ్యారు. 2020లో ఆయన అనసూయని ‘ది షేమ్లెస్’ ఆడిషన్కి పిలిచారు. ఆమె హావభావాలు పలికించిన విధానం చూసి ప్రధాన పాత్రకు ఎంపిక చేశారు. ‘ది షేమ్లెస్’ని మహారాష్ట్ర, దిల్లీ, నేపాల్లో చిత్రీకరించారు.
‘ది షేమ్లెస్’ కథేంటి?
‘ది షేమ్లెస్’ ఇద్దరు వేశ్యల కథ. దేవదాసీ వ్యవస్థలో సమిధగా మారిన రేణుక దిల్లీలోని ఒక వేశ్యావాటికకు చేరుతుంది. అక్కడ అనుకోని పరిస్థితుల్లో ఒక పోలీసుపై కత్తితో దాడి చేసి చంపుతుంది. అక్కడ్నుంచి వేరే రాష్ట్రానికి పారిపోయి మరో వేశ్యావాటికకు చేరుతుంది. అక్కడే దేవిక పరిచయవుతుంది. ముక్కుపచ్చలారని కౌమార ప్రాయంలో ఆ మురికికూపంలో బలవంతంగా రప్పించబడుతుంది తను. ఆ బాలికకు రేణుక ఎలా అండగా నిలబడింది.. ఒకరికొకరు ఎలా దగ్గరయ్యారో? ఇందులో చూపించారు. అనసూయ ఇందులో కీలకమైన రేణుక పాత్ర పోషించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వీరుడినే... యోధుడినే
నా గమనం... నిత్య రణం అంటూ నినదిస్తున్నాడు భైరవ. మరి ఆయన కథేమిటో తెలియాలంటే ‘కల్కి 2898 ఎ.డి’ చూడాల్సిందే. -
సొంతింటికి వచ్చినట్టుగా ఉంది
బాలీవుడ్ కథానాయకుడు అజయ్ దేవగణ్ జంటగా రకుల్ప్రీత్ సింగ్ నటిస్తున్న చిత్రం ‘దే దే ప్యార్ దే 2’. విజయవంతమైన ‘దే దే ప్యార్ దే’కి కొనసాగింపుగా అన్షుల్ శర్మ దీన్ని తెరకెక్కిస్తున్నారు. -
నాన్న.. గోరుముద్ద
ఓ తండ్రిగా తన గారాలపట్టి క్లీంకారతో గడిపే ప్రతిక్షణాన్ని ఎంతో ఆస్వాదిస్తున్నా అన్నారు కథానాయకుడు రామ్చరణ్. ఆయన ఆదివారం ఫాదర్స్ డే సందర్భంగా తన ముద్దుల తనయతో దిగిన ఫొటోను సామాజిక మాధ్యమాల్లో పంచుకుంటూ.. నాన్నగా తన ప్రయాణంలోని మధురానుభూతుల్ని గుర్తు తెచ్చుకున్నారు. -
అలియాతో తెర పంచుకోవడం పెద్ద బాధ్యత!
అలియాతో కలిసి నటించడం పెద్ద బాధ్యతగా భావిస్తున్నానంటోంది బాలీవుడ్ కథానాయిక శార్వరీ వాఘ్. ఇటీవలే విడుదలైన ‘ముంజ్యా’లో తన నటనతో ప్రేక్షకులను ఆకట్టుకున్న ఆమె.. త్వరలో ఓ యాక్షన్ చిత్రంలో మెరుపులు మెరిపించడానికి సిద్ధమవుతోంది. -
‘సితారే జమీన్ పర్’ ముగిసింది
బుద్ధిమాంద్యం పిల్లల్లోని అసాధారణ ప్రతిభను వెలికితీయాలనే కథాంశంతో రూపొందిన చిత్రం ‘తారే జమీన్ పర్’. -
ఎన్టీఆర్ పురస్కారాలు 29న ప్రదానం
కళావేదిక ఎన్టీఆర్ ఫిలిం అవార్డ్స్ వేడుకని ఈ నెల 29న హైదరాబాద్లో నిర్వహించనున్నారు. కళావేదిక, రాఘవి మీడియా సంస్థల ఆధ్వర్యంలో జరిగే ఈ కార్యక్రమంలో సినిమా రంగంలోని వివిధ విభాగాలకు చెందిన కళాకారులకు పురస్కారాల్ని ప్రదానం చేయనున్నారు. -
‘వెల్కమ్’ రాక ఆలస్యం
అగ్ర కథానాయకుడు అక్షయ్ కుమార్ ప్రధాన పాత్రలో అహ్మద్ ఖాన్ తెరకెక్కిస్తున్న చిత్రం ‘వెల్కమ్ టు ది జంగిల్’. ‘వెల్కమ్’ ఫ్రాంచైజీలో రూపొందుతున్న మూడో భాగమిది. -
శ్రీలీల ‘డ్రిప్పిన్’ కల్చర్.. రోజీ చీరలో మంజిమా..
ఇన్స్టా వేదికగా మన సినీతారలు పంచుకున్న ఆసక్తికర అప్డేట్స్ మీకోసం..
తాజా వార్తలు (Latest News)
-
‘చంద్రబాబు ఫొటో ఉన్నాక ఎవరైనా కేసు నమోదు చేస్తారా?’
-
‘ఉద్యోగాలు దక్కాలంటే పెట్టెలు తేవాలన్న బొత్స, సజ్జల’
-
పాస్బుక్లు, రేషన్కార్డులున్న వారికే రుణమాఫీ!
-
ధార్ గ్యాంగ్.. మళ్లీ వచ్చేసింది
-
ఎన్నికల్లో గెలిస్తే.. అమెరికా నుంచి వారిని సాగనంపుతా: ట్రంప్
-
అతడికి సెలవులు పొడిగించండి.. జీతం పెంచండి: ఒరాకిల్ సంస్థకు విజ్ఞప్తులు