Gopichand: రెండు సంస్థలు కలిసి...

గోపీచంద్‌ కథానాయకుడిగా... శ్రీనువైట్ల దర్శకత్వంలో ఓ చిత్రం తెరకెక్కుతోంది. ఈ సినిమా కొత్త షెడ్యూల్‌ చిత్రీకరణ బుధవారం నుంచి ప్రారంభమైంది. ప్రధాన తారాగణంపై కీలక సన్నివేశాల్ని తెరకెక్కిస్తున్నారు. ఈ సినిమా నిర్మాణం కోసం చిత్రాలయం స్టూడియోస్‌తో చేతులు కలిపింది చిత్ర నిర్మాణ సంస్థ  పీపుల్‌ మీడియా ఫ్యాక్టరీ. వేణు దోనేపూడి, టి.జి.విశ్వప్రసాద్‌ సంయుక్తంగా నిర్మిస్తున్నారు. నిర్మాత వేణు దోనేపూడి మాట్లాడుతూ ‘‘గోపీచంద్‌ -  శ్రీనువైట్ల కలయిక ప్రేక్షకుల్లో ఆసక్తిని రేకెత్తిస్తోంది. విభిన్నమైన కథాంశంతోపాటు, ఇంటిల్లిపాదికీ నచ్చే వినోదం ఉన్న చిత్రమిది. అగ్ర నిర్మాణ సంస్థ  పీపుల్‌ మీడియా ఫ్యాక్టరీతో కలిసి పనిచేస్తుండడం ఆనందంగా ఉంది. ఈ షెడ్యూల్‌తో టాకీభాగం చిత్రీకరణ పూర్తవుతుంది’’ అన్నారు. త్వరలోనే హీరోయిన్‌, ఇతర వివరాల్ని ప్రకటించనున్నట్టు సినీ వర్గాలు తెలిపాయి. ఈ చితఆరనికి స్క్రీన్‌ప్లే: గోపీమోహన్‌, సంగీతం: చైతన్‌ భరద్వాజ్‌, ఛాయాగ్రహణం: కె.వి.గుహన్‌.