Family Star: తెలుగు సినిమాకి కావల్సింది సహజత్వమే!
భారతీయ ప్రముఖ ఛాయాగ్రాహకుల్లో కె.యు.మోహనన్ ఒకరు. బాలీవుడ్లో షారుక్ఖాన్, ఆమిర్ఖాన్, అక్షయ్ కుమార్ తదితర అగ్ర కథానాయకులతో సినిమాలు చేశారు. కెమెరాతో ప్రేక్షకుల్ని ముగ్ధుల్ని చేస్తున్న ఆయన తెలుగులో ‘మహర్షి’ తర్వాత ‘ఫ్యామిలీస్టార్’ చిత్రానికి పనిచేశారు.
భారతీయ ప్రముఖ ఛాయాగ్రాహకుల్లో కె.యు.మోహనన్ ఒకరు. బాలీవుడ్లో షారుక్ఖాన్, ఆమిర్ఖాన్, అక్షయ్ కుమార్ తదితర అగ్ర కథానాయకులతో సినిమాలు చేశారు. కెమెరాతో ప్రేక్షకుల్ని ముగ్ధుల్ని చేస్తున్న ఆయన తెలుగులో ‘మహర్షి’ తర్వాత ‘ఫ్యామిలీస్టార్’ చిత్రానికి పనిచేశారు. విజయ్ దేవరకొండ కథానాయకుడిగా పరశురామ్ దర్శకత్వంలో రూపొందిన ఈ చిత్రం ఏప్రిల్ 5న ప్రేక్షకుల ముందుకొస్తోంది. ఈ సందర్భంగా కె.యు.మోహనన్ బుధవారం హైదరాబాద్లో విలేకర్లతో ముచ్చటించారు. ఆయన చెప్పిన విషయాలివీ...
‘ఫ్యామిలీ స్టార్’ కథపై మీ అభిప్రాయమేమిటి? ఓ ఛాయాగ్రాహకుడిగా దీనికి మీరెలాంటి విజువల్స్ని అందించే ప్రయత్నం చేశారు?
కుటుంబ విలువల గురించి చెప్పే ఓ అందమైన, తీయనైన కథ ఇది. హృదయాల్ని సునిశితంగా స్పృశిస్తుంది. మంచి ప్రేమకథ కూడా ఉంది. మన కుటుంబ వ్యవస్థ గురించి ఓ బలమైన సందేశాన్నిస్తుంది. దర్శకుడు పరశురామ్ ఈ కథని మధ్య తరగతి నేపథ్యంలో మలిచాడు. ఆ కథ అంతే సహజంగా తెరపై కనిపించేలా నేను జాగ్రత్తలు తీసుకున్నా. కమర్షియల్ సినిమా కదా అని లార్జర్ దేన్ లైఫ్ తరహా ఆలోచనలతో ఈ సినిమా తీయలేదు. కథానాయకుడి ఇల్లు చూస్తే, ఇది మన ఇల్లులాగే ఉందని ప్రేక్షకుడు అనుకోవాలి. అలాంటి సహజత్వమే ఇప్పుడు తెలుగు సినిమాకి కావాలి. చాలా తెలుగు సినిమాల్లో కనిపించని సహజత్వం ఇందులో ఉంటుంది.
మీ కెరీర్లో రకరకాల చిత్రాలు చేశారు. కమర్షియల్ చిత్రాలకి పనిచేస్తున్నప్పుడు మీ ఆలోచనలు, మీ పనితీరు ఎలా ఉంటుంది?
ఇండీ సినిమాలతో నా ప్రయాణం మొదలైంది. వాటిని ఆర్ట్ సినిమాలు అంటుంటారు. ఇప్పటికీ ఆ చిత్రాలకి పనిచేయడాన్ని ఇష్టపడతాను. సినిమా అనేది వ్యాపారం కంటే ముందు కళారూపం అని నమ్ముతాను. సినిమా అనేది ఓ భాష, భావ వ్యక్తీకరణ. ఫిలిం ఇన్స్టిట్యూట్లో నేను చదువుకున్నది కూడా అదే. అయితే చిన్నప్పటి నుంచి వాణిజ్య ప్రధానమైన సినిమాలు చూస్తూ పెరుగుతాం. ఆ ప్రభావం సహజంగానే ఉంటుంది. దానికి ఫిలిం ఇన్స్టిట్యూట్లో నేర్చుకున్న కళ కూడా తోడవుతుంది. ఆ కళని వాణిజ్య ప్రధానమైన సినిమాలకి మేళవించే ప్రయత్నం చేస్తువంటా. ఒకే స్టైల్తో పనిచేయడం నాకు ఇష్టం ఉండదు. ప్రతి సినిమాకీ ఓ ప్రత్యేకమైన స్టైల్ ఉండాల్సిందే. అది దర్శకుడి నుంచి, స్క్రిప్ట్ నుంచే వస్తుంది. 2004లో ఫర్హాన్ అక్తర్ ‘డాన్’ కోసం నన్ను సంప్రదించాడు. నేను అందరిలా కమర్షియల్ సినిమా భాషలో కాకుండా నాదైన శైలిలో ఆ సినిమాకి పనిచేశాను. చాలా పేరొచ్చింది. కమర్షియల్ సినిమా అంటే ఇలాగే ఉండాలని కాపీ తరహాలో పనిచేయకూడదు. ప్రతి సినిమా విషయంలో వైవిధ్యమైన పనితీరు అవసరం అని నమ్ముతా.
మీరు ఓ సినిమా ఒప్పుకోవడం వెనక ఏ విషయాల్ని పరిగణనలోకి తీసుకుంటారు?
కథ, నిర్మాణ సంస్థ, నటులు... ఇలా ఒకొక్క సినిమాకీ ఒక్కో కారణం ఉంటుంది. కమర్షియల్ సినిమాలు డబ్బు కోసం కూడా చేస్తుంటాం కానీ, అదొక్కటే కారణం కాదు. ‘ఫ్యామిలీస్టార్’ విషయానికొస్తే ఇదివరకు శ్రీవెంకటేశ్వర క్రియేషన్స్లో ‘మహర్షి’ చేశా. విజయ్ దేవరకొండ అంటే ఇష్టం. తన నటన సహజంగా ఉంటుంది. పరశురామ్ కథ కూడా చాలా సహజంగా ఉంటుంది. ఇలా పలు కారణాలు ఈ సినిమా చేయడానికి దోహదం చేశాయి.
మీ అమ్మాయి మాళవిక మోహనన్ తెలుగులో సినిమా చేస్తున్నారు. తనకి ఎలాంటి సలహాలు ఇస్తుంటారు?
తనకు తానుగా గుర్తింపు తెచ్చుకునే ప్రయత్నంలో ఉంది. నటిగా తనేమిటో నిరూపించుకోవాల్సి వుంది. నేనెప్పుడూ ఏ సినిమాకీ తనని రెకమెండ్ చేయలేదు. కథ నచ్చలేదనో లేదంటే ఇతరత్రా కారణాలనో చాలా సినిమాల్ని వదులుకుంది. తెలుగులో ప్రభాస్ చిత్రంతోపాటు, తమిళంలోనూ పా.రంజిత్ దర్శకత్వంలో విక్రమ్తో కలిసి ‘తంగలాన్’ చేస్తోంది. మాళవికకు మంచి పేరొస్తుంది.
‘‘తెలుగు సినిమా ఇప్పుడు భారతీయ మార్కెట్లో మంచి ప్రభావం చూపిస్తోంది. అయితే ఇప్పటికీ చాలామంది దర్శకులు పాత పద్ధతుల్నే అనుసరిస్తూ కథలు చెబుతున్నారు. సహజత్వానికి దూరంగా సినిమాల్ని రూపొందిస్తున్నారు. ప్రేక్షకుడు కోరుకుంటున్నది ఇవే అని వాళ్లపై నిందలు వేస్తున్నారు. ప్రేక్షకులు ఎప్పుడైనా స్వీకరించేవాళ్లే. మనం వాళ్లకి ఏం ఇస్తున్నామనేది కీలకం. మలయాళంలోనూ, తమిళంలోనూ ప్రయోగాలు చేస్తున్నారు. వందేళ్ల కింద రాసుకున్నట్టే డ్రామాతో కూడిన స్క్రిప్ట్లు ఇప్పటికీ రాసుకుంటున్నారు. దర్శకులు కొత్త ఆలోచనలతో వస్తే ఛాయాగ్రహణంతో సహా అన్ని విభాగాలూ అలా మారుతాయి’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆగస్టులో కురిసేనా...! వినోదాల వాన
బయట వాన జల్లు... థియేటర్లో వినోదాల జల్లు. ప్రేక్షకుడు తడిసి ముద్దయిపోవడమే ఇక! ఆగస్టు నెలలో పదుల సంఖ్యలో సినిమాలొస్తున్నాయి. -
‘ఉప్పు కప్పురంబు’ షూటింగ్ డైరీస్
ఒక సినిమా విడుదల కాకముందే మరో చిత్రం కోసం రంగంలోకి దిగుతున్నారు మన తారలు. మరికొన్ని రోజుల్లో ‘రఘుతాత’తో ప్రేక్షకుల ముందుకు వచ్చేందుకు సిద్ధంగా ఉన్న ‘మహానటి’ కీర్తి సురేశ్ వరుస ప్రాజెక్టులతో జోరు చూపిస్తోంది. -
స్టోరీకి శుభం కార్డు పడిందా?
‘‘ఎంతో ప్రేమతో చేసిన సినిమా ఇది. నాలుగు కాలాలపాటు గుర్తుండిపోతుంది’’ అన్నారు అనురాగ్ పి. ఆయన దర్శకత్వంలో... నరేశ్ వీకే, రాగ్ మయూర్, ప్రియా వడ్లమాని ప్రధాన పాత్రధారులుగా తెరకెక్కిన చిత్రం ‘వీరాంజనేయులు విహారయాత్ర’. -
విజయ్ చిత్రం కోసం శ్రుతి గానం!
ప్రస్తుతం వెండితెరపై దశాబ్దంన్నర సినీ ప్రయాణాన్ని పూర్తి చేసుకున్న నాయికల్లో శ్రుతిహాసన్ ఒకరు. ఇప్పుడామె సినిమాల విషయంలో మునుపటి కంటే జోరు ప్రదర్శిస్తోంది. -
ఇండోనేషియాలో శర్వా బైక్ రేసింగ్!
ఇటీవలే ‘మనమే’ సినిమాతో ప్రేక్షకుల్ని అలరించారు కథానాయకుడు శర్వానంద్. ఇప్పుడాయన తన 36వ చిత్రాన్ని పరుగులు పెట్టిస్తున్నారు. -
జాతర వస్తుందంటేనే భయం వేస్తోంది!
సందీప్ సరోజ్, యశ్వంత్ పెండ్యాల, ఈశ్వర్ రాచిరాజు, త్రినాథ్ వర్మ, ప్రసాద్ బెహరా ప్రధాన పాత్రల్లో యదు వంశీ తెరకెక్కించిన చిత్రం ‘కమిటీ కుర్రోళ్ళు’. -
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి
టాలీవుడ్ సీనియర్ నటి పావలా శ్యామలకు నటుడు సాయిధరమ్ తేజ్ ఆర్థికసాయం చేశారు. -
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
మీది తప్పు అనుకుంటే.. రిక్వెస్ట్ అనే వాడిని కాదు: హరీశ్ శంకర్
‘మిస్టర్ బచ్చన్’ సినిమా పంపిణీ వివరాలపై ఓ సినీ జర్నలిస్ట్ పెట్టిన పోస్ట్పై దర్శకుడు హరీశ్ శంకర్ స్పందించారు. -
ఆ మెయిల్తో వచ్చే సమాచారం మేం పంపలేదు: మంచు విష్ణు నిర్మాణ సంస్థ
24 ఫ్రేమ్స్ ఫ్యాక్టరీ పేరుతో ఫేక్ ఈ-మెయిల్ ఐడీ సృష్టించి అసత్య ప్రచారం చేస్తున్న ఘటనను ఆ చిత్ర నిర్మాణ సంస్థ ఖండించింది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
గంజాయి మత్తులో దించి అత్యాచారానికి పాల్పడి.. సహకరించిన భార్య
-
నేటి రాశి ఫలాలు.. 12 రాశుల ఫలితాలు ఇలా... (27/07/24)
-
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి
-
మరింత తగ్గిన పసిడి ధర.. మీ నగరంలో ఎంతంటే?
-
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
-
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?