Abhiram: దగ్గుబాటి వారి పెళ్లి సందడి

ప్రముఖ సినీ నిర్మాత దగ్గుబాటి సురేశ్‌బాబు రెండో తనయుడు, హీరో అభిరామ్‌ ఓ ఇంటివాడయ్యారు. తమ బంధువుల అమ్మాయి ప్రత్యూషను పెళ్లి చేసుకొని వైవాహిక బంధంలోకి అడుగు పెట్టారు. ఈ వివాహ వేడుక బుధవారం రాత్రి శ్రీలంకలోని ఓ రిసార్ట్‌లో ఘనంగా జరిగింది. వధూవరుల కుటుంబ సభ్యులు, కొద్దిమంది అతిథుల సమక్షంలో ఈ పెళ్లి వేడుక సాగింది. దగ్గుబాటి ఫ్యామిలీ త్వరలో ప్రముఖుల కోసం హైదరాబాద్‌లో వివాహ విందు ఏర్పాటు చేయనున్నట్లు సమాచారం. ప్రస్తుతం ఈ పెళ్లి వేడుకకు సంబంధించిన ఫొటోలు సామాజిక మాధ్యమాల్లో సందడి చేస్తున్నాయి. అభిరామ్‌ ఇటీవలే తేజ తెరకెక్కించిన ‘అహింస’ సినిమాతో హీరోగా వెండితెరకు పరిచయమయ్యారు.