Maruthi: ఆ సినిమా మా జీవితాలను మార్చేసింది: మారుతి

ఇంటర్నెట్‌డెస్క్‌: దర్శకుడు మారుతి ఇండస్ట్రీకి పరిచయమైన తొలి చిత్రం ‘ఈ రోజుల్లో’. శ్రీనివాస్‌, రేష్మా రాథోడ్‌ ప్రధాన పాత్రధారుల్లో నటించారు. రొమాంటిక్‌ కామెడీ కథతో దీనిని తీర్చిదిద్దారు. 2012లో విడుదలైన ఈ చిత్రం మంచి విజయాన్ని అందుకుంది. ఇప్పుడీ సినిమా రీ రిలీజ్‌కు రంగం సిద్ధమైంది. ఈసందర్భంగా ఏర్పాటుచేసిన ప్రెస్‌మీట్‌లో మారుతి ఆసక్తికర వ్యాఖ్యలు చేశారు. ఈ చిత్రంతో తమ జీవితాలు మారాయన్నారు.

‘‘దర్శకుడిగా తొలిసారి మెగా ఫోన్‌ పట్టింది ‘ఈ రోజుల్లో’ చిత్రంతోనే. దాదాపు 12 ఏళ్ల తర్వాత రీ రిలీజ్‌ చేస్తున్నాం. అతి తక్కువ బడ్జెట్‌లో సరదాగా దీనిని తెరకెక్కించాం. ఈ సినిమాతో మా జీవితాలెంతో మారాయి. గోకుల్‌ థియేటర్‌లో ప్రేక్షకులతో కలిసి సినిమా చూశా. ఆరోజు వాళ్లు చూపించిన ప్రేమాభిమానాలు నాకింకా గుర్తున్నాయి. ఇది అందించిన ఆదరణను మాటల్లో వర్ణించలేను’’ అని పేర్కొన్నారు.