ఆ రోజే నేను నటుడిగా మళ్లీ పుట్టా!
‘‘తెలుగు సినిమా అగ్రస్థానంలో ఉంది. నటులందరూ కలిసి కట్టుగా పనిచేస్తూ ఆ స్థానాన్ని అలా నిలబెట్టాల’’ని పిలుపునిచ్చారు ప్రముఖ కథానాయకుడు ఎన్టీఆర్.
‘దాస్ కా ధమ్కీ’ వేడుకలో ఎన్టీఆర్
‘‘తెలుగు సినిమా అగ్రస్థానంలో ఉంది. నటులందరూ కలిసి కట్టుగా పనిచేస్తూ ఆ స్థానాన్ని అలా నిలబెట్టాల’’ని పిలుపునిచ్చారు ప్రముఖ కథానాయకుడు ఎన్టీఆర్. ఆయన శుక్రవారం హైదరాబాద్లో జరిగిన ‘దాస్ కా ధమ్కీ’ ముందస్తు విడుదల వేడుకకి ముఖ్య అతిథిగా హాజరయ్యారు. విష్వక్సేన్ కథానాయకుడిగా నటిస్తూ దర్శకత్వం వహించిన చిత్రమిది. నివేతా పేతురాజ్ కథానాయిక. కరాటే రాజు నిర్మాత. ఉగాది సందర్భంగా ఈ నెల 22న చిత్రం ప్రేక్షకుల ముందుకొస్తోంది. ఈ సందర్భంగా నిర్వహించిన వేడుకలో ఎన్టీఆర్ ప్రసంగించారు. ప్రపంచ పటంలో ‘ఆర్ఆర్ఆర్’ నిలబడిందంటే, ఆస్కార్ చేజిక్కించుకుందంటే మేము, మా బృందం ఎంత కారణమో తెలుగు చలన చిత్ర పరిశ్రమ, భారతీయ చిత్ర పరిశ్రమ అంతే కారణం. ప్రేక్షకులు, అభిమానుల ప్రేమ కూడా అంతే కారణం. ఆ సినిమాకి పనిచేసిన మేం కాదు పురస్కారం సొంతం చేసుకున్నది. ప్రేక్షకులకు బదులు మేం అక్కడున్నాం. ఆస్కార్ వేదికపై కీరవాణి, చంద్రబోస్ కాకుండా... ఇద్దరు భారతీయులు, ఇద్దరు తెలుగువాళ్లు కనిపించారు. ఆ వేదిక మొత్తం తెలుగుదనం ఉట్టిపడింది. మీరు టీవీల్లో చూసి ఎంత ఉత్సాహం పొందారో, నేను రెండు కళ్లతో చూస్తూ అంత ఆస్వాదించా. అది ఎప్పటికీ గుర్తుండిపోతుంది. ‘ఆర్ఆర్ఆర్’ ఇచ్చిన ఉత్సాహంతో తెలుగు సినిమాలు, భారత సినిమాలు మరింత ముందుకు సాగాలని దేవుడిని కోరుకుంటున్నా. విష్వక్ సేన్ వేదికపై మాట్లాడినట్టు నేనెప్పటికీ మాట్లాడలేను. అంత ఉత్సాహం తనలో ఉంటుంది. ఎప్పట్నుంచో నాపైన ఉన్న బాధ్యతతో ఇక్కడికి వచ్చా. నాకు బాగా ఇష్టమైన సినిమాలు తక్కువగా ఉంటాయి. అందులో విష్వక్ నటించిన ‘ఈ నగరానికి ఏమైంది’ చాలా ముఖ్యమైనది. అందులో విష్వక్, అభినవ్ నటనని చూస్తూ ఉండిపోతుంటా. ముఖ్యంగా విష్వక్ని. ఒక నటుడిగా కామెడీ చేయకుండా కామెడీ పండించాడు తను. ఎంత కామెడీ పండిస్తాడో అంతే బాధని దిగమింగుకుని కనిపిస్తుంటాడు. ఒక కొత్త నటుడికి చాలా ఆత్మవిశ్వాసం ఉండాలి అలాంటి పాత్రలు చేయాలంటే. అది ఎక్కడి నుంచి వచ్చిందో తెలీదు కానీ, తనకి చాలా మంచి చేసింది. ఆ సినిమా తర్వాత ‘ఫలక్నామాదాస్’ చూశా. నటుడిగా తనెంత ఆత్మవిశ్వాసంతో కనిపిస్తాడో దర్శకుడిగా కూడా అంతే. చాలా బాగా చేశాడు. ‘పాగల్’ కూడా చేశాడు. తనొక ఛట్రంలోకి వెళ్లిపోతాడా అనుకున్నప్పుడు ‘అశోకవనంలో అర్జునకళ్యాణం’ చేశాడు. ఆ సినిమా చూసినప్పుడు షాక్ అయ్యా. ఇంతగా మారిపోయాడు అనిపించింది. నేను నటుడిగా అలా మారడానికి చాలా కాలం పట్టింది. నటుడిగా నేను ఆనందపడే సినిమాలు చేయాలని ఆలస్యంగా అనుకున్నా. ఆ రోజే ఈ వేదికపైనే మీరంతా కాలర్ దించుకోకుండా చేస్తానని చెప్పా. అందరికీ ఆ వాగ్ధానం చేసిన రోజే నేను నటుడిగా మళ్లీ పుట్టా. విష్వక్ ఎప్పుడూ ఏదో ఒకటి నిరూపించుకోవాలనే తపనతో కనిపిస్తుంటాడు. ఈ చిత్రం నిజంగా బ్లాక్బస్టర్ కావాలి. ఈ సినిమాతో తను ఘన విజయం సాధించి దర్శకత్వం చేయడం నిలిపేయాలని కోరుకుంటున్నా. బయట ఔత్సాహికులైన యువ దర్శకులు బోలెడు మంది ఉన్నారు. విష్వక్తోపాటు మాలాంటివాళ్లంతా ఆ దర్శకులకి అవకాశం ఇవ్వాలి. విష్వక్ నాతో మాట్లాడుతూ ‘ఉన్నదంతా పెట్టేశాను ఈ సినిమా కోసం’ అని చెప్పాడు. ఒక మంచి సినిమా చేయాలనే పిచ్చి తనకెంతగా ఉందో అప్పుడు అర్థమైంది. ఇలాంటి పిచ్చి ఉన్నవాళ్లే పరిశ్రమని ముందుకు తీసుకెళతారు. ఇలాంటివాళ్ల చిత్రాలు ఆడాలి, అప్పుడే మనం ముందుకు వెళతాం. మార్చి 22న విడుదలవుతుందీ చిత్రం. ఈ ఉగాది పండుగ రోజు విష్వక్కి నిజమైన పండుగ రావాలని మనసారా కోరుకుంటున్నా. తను ఇంకా మంచి సినిమాలు చేయడానికి ఇది మొదటి మెట్టు కావాలి. నటులు, సాంకేతిక నిపుణులు అందరికీ నా శుభాకాంక్షలు’’ అన్నారు. విష్వక్ సేన్ మాట్లాడుతూ ‘‘నాలో ఒక అభిమానిని చూసుకుని... నాకు ఇచ్చిన మాట కోసం వచ్చారు ఎన్టీఆర్. ఎన్టీఆర్ వస్తున్నాడంటే కూడా చాలా మంది నమ్మలేదు. భారతదేశంలో ఉత్తమ నటుడు ఎవరంటే ఎన్టీఆర్ అని నేనెప్పుడో చెప్పా. 17 ఏళ్లకే తొడగొట్టారు ఎన్టీఆర్. ఉన్నదంతా పెట్టి నేను సొంతంగా నిర్మించిన చిత్రమిది. ‘వీడికి ఉన్నదంతా పోగొట్టుకుంటే వెక్కిరిద్దాం, నవ్వుదాం’ అనుకునేవాళ్లు చాలామంది ఉంటారు. దేవుడు ఇవన్నీ చూస్తుంటాడు కాబట్టే ఎన్టీఆర్ని పంపించారు. నాకు బ్లాక్ బస్టర్ మొదలైంది’’అన్నారు. ఈ కార్యక్రమంలో ప్రసన్నకుమార్ బెజవాడ, రామ్ తాళ్లూరి, హను రాఘవపూడి, సంగీత దర్శకుడు లియోన్ జేమ్స్, కళా దర్శకుడు రామాంజనేయులు, ఛాయాగ్రాహకుడు దినేష్, పృథ్వీ రాజ్, రవి, యశ్, కాసర్ల శ్యామ్, పూర్ణాచారి, మంగ్లీ, మహేష్, హైపర్ ఆది, అమిత్ శర్మ, బి.వి.ఎస్.రవి తదితరులు పాల్గొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విజయ్ సేతుపతి మూవీపై కత్రినాకైఫ్ రివ్యూ
విజయ్ సేతుపతి (Vijay Sethupathi) ప్రధాన పాత్రలో నటించిన ‘మహారాజ’పై కత్రినాకైఫ్ తన అభిప్రాయాన్ని తెలియజేశారు. -
ఆ ప్రాజెక్ట్కు ఓకే చెప్పినందుకు బాధపడ్డా: టబు
నటి టబు తాజాగా ఓ ఇంటర్వ్యూలో పాల్గొన్నారు. తన కెరీర్ గురించి ఆసక్తికర వ్యాఖ్యలు చేశారు. -
నాలుగు సంవత్సరాలు ఎన్నో సవాళ్లు ఎదుర్కొన్నా: నాగ్ అశ్విన్
‘కల్కి’ స్క్రిప్ట్ రాయడానికి చాలా సమయం పట్టిందని దర్శకుడు నాగ్అశ్విన్ అన్నారు. అశ్వత్థామ పాత్రకు అమితాబ్ను తప్ప మరొకరిని ఊహించుకోలేదని చెప్పారు. -
ఎన్టీఆర్కు ఒక్క సెకను.. నాకు 10 రోజులు: జాన్వీకపూర్
టాలీవుడ్పై నటి జాన్వీ ప్రశంసలు కురిపించారు. ఎన్టీఆర్ ఎనర్జిటిక్ హీరో అని ప్రశంసించారు. -
ఎన్టీఆర్ కోసం మరో విలన్?
‘దేవర’గా థియేటర్లలో సందడి చేయనున్నారు ఎన్టీఆర్. ఆయన కథానాయకుడిగా నటిస్తున్న ఈ పాన్ ఇండియా చిత్రాన్ని కొరటాల శివ తెరకెక్కిస్తున్నారు. -
‘కె.జి.ఎఫ్’ ప్రపంచంలోకి అజిత్?
ప్రముఖ దర్శకుడు ప్రశాంత్ నీల్ ఓ సరికొత్త కలయికకు రంగం సిద్ధం చేశారా? ‘కె.జి.ఎఫ్’ ప్రపంచంలోకి అగ్ర కథానాయకుడు అజిత్ను తీసుకొస్తున్నారా? అవుననే అంటున్నాయి తమిళ సినీ వర్గాలు. -
ఏ రెండు లవ్స్టోరీలు ఒకేలా ఉండవు
‘సుందరకాండ’తో సినీప్రియుల్ని అలరించేందుకు సిద్ధమవుతున్నారు నారా రోహిత్. ఆయన హీరోగా నటిస్తున్న ఈ చిత్రాన్ని వెంకటేశ్ నిమ్మలపూడి తెరకెక్కిస్తున్నారు -
వీర్... మేనికాల మధ్య రెండోసారి ప్రేమ చిగురిస్తే!
బాలీవుడ్లో వైవిధ్యభరితమైన పాత్రలు పోషించి గుర్తింపు తెచ్చుకున్న అగ్ర నటుడు సంజయ్దత్, కథానాయిక రవీనా టాండన్ కలయికలో రూపొందిన రొమాంటిక్ కామెడీ చిత్రం ‘ఘుడ్చఢీ’. -
1న సిటాడెల్ సర్ప్రైజ్
త్వరలో ‘సిటాడెల్:హనీ- బన్నీ’తో తనలోని యాక్షన్ కోణాన్ని సినీప్రియులకు రుచి చూపించడానికి సిద్ధమవుతోంది అందాల తార సమంత. -
వన్స్ మోర్ రెప్పల్ డప్పుల్..
వన్స్ మోర్ మోర్ మోర్... అంటూ మళ్లీ మళ్లీ వినాలనిపించేలా ఊరిస్తోంది ‘మిస్టర్ బచ్చన్’ పాట. రవితేజ, భాగ్య శ్రీ బోర్సే డాన్స్లోని హుషారు ఈ పాటకి మరింత ఊపు తెచ్చింది. -
యంత్రం ప్రేమించదు
జీవితానికి ఇన్సూరెన్స్ ఉంటుందని తెలుసు కాని, ప్రేమకి ఇన్సూరెన్స్ ఏంటనేది తెలియాలంటే ‘ఎల్ఐకే’(లవ్ ఇన్సూరెన్స్ కంపెనీ) చూడాల్సిందే. -
సిద్ధమేనా... ఓ అందమైన రహస్యం కోసం
‘‘మన మధ్య ఉన్న ప్రేమ శాశ్వతమైనది. మనం ఎప్పటికీ ఇలాగే ఒకరికి తోడుగా మరొకరం ఉండాలని కోరుకుంటున్నా’’ అంటూ ఓ ప్రియురాలు తన ప్రియుడితో చెప్తుంది -
రెడ్ శారీలో కృతిశెట్టి ఇలా.. మాళవికా మోహనన్ అలా!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘దేవర’ సాంగ్ అప్డేట్ ఇచ్చిన శేఖర్ మాస్టర్.. ఏమన్నారంటే?
ఎన్టీఆర్ హీరోగా తెరకెక్కుతున్న చిత్రం ‘దేవర’. ఈ సినిమా సాంగ్ అప్డేట్ ఇచ్చారు శేఖర్ మాస్టర్.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!
-
2034 నాటికి అలాంటి ఉద్యోగాలు ఉండవ్.. లింక్డిన్ వ్యవస్థాపకుడి అంచనా!
-
మీ దుర్మార్గపు కుట్రలు తిప్పికొడతాం.. కార్గిల్ నుంచి పాక్కు మోదీ హెచ్చరిక