క్రిమినల్‌ ఎవరు?

అదా శర్మ ప్రధాన పాత్రధారిగా తెరకెక్కిన చిత్రం... ‘సి.డి’ (క్రిమినల్‌ ఆర్‌ డెవిల్‌). కృష్ణ అన్నం దర్శకత్వం వహించడంతోపాటు...ఎస్‌.ఎస్‌.సి.ఎమ్‌ ప్రొడక్షన్స్‌ పతాకంపై స్వీయ నిర్మాణంలో రూపొందించారు. నేర నేపథ్యంలో సాగే ఈ సినిమా సెన్సార్‌ కార్యక్రమాలు పూర్తయినట్టు చిత్రవర్గాలు ఓ ప్రకటనలో తెలిపాయి. ఈ నెల 24న సినిమాని ప్రేక్షకుల ముందుకు తీసుకొస్తున్నారు. ‘‘విభిన్నమైన కాన్సెప్ట్‌తో రూపొందించిన చిత్రమిది. యాక్షన్, సస్పెన్స్, థ్రిల్లింగ్‌ అంశాలతోపాటు.. ఈ కథలో క్రిమినల్‌ ఎవరు? డెవిల్‌ ఎవరనేది ఆసక్తికరం. ఇప్పటికే విడుదల చేసిన టీజర్, ట్రైలర్‌లు  అంచనాలు పెంచాయి. అందుకు దీటుగా సినిమా ఉంటుంది’’ అన్నారు దర్శకనిర్మాత. విశ్వంత్, జబర్దస్త్‌ రోహిణి, భరణి శంకర్, రమణ భార్గవ్, మహేశ్‌ విట్టా తదితరులు నటించిన ఈ చిత్రానికి ఛాయాగ్రహణం: సతీశ్‌ ముత్యాల, సంగీతం: ఆర్‌.ఆర్‌.ధృవన్‌.